پاکستان سیلاوی نینگ نتیجه لری معلوم بولماقده

پاکستانده توناون بولیب اوتگن ملی مجلس سیلاویده نا رسمی نتیجه لرگه کوره عمران خان باشچی لیگیده گی مخالف حزبی پاکستان تحریک انصاف (پاکستان عدالت حرکتی) بیرینچی اورینده توره دی.

دولت تلویزیونی PTV محلی وقت بیلن کیچه لب ساعت 23:00 (11:00) ده نتیجه لرنی بیریب باشله دی. بونگه کوره، پاکستان تحریک انصاف حزبی 2013 – ییلی آلگن رایینی ایککی قوات آرتیریب 100 دن آرتیق اورین آلگن وضعیتده دیر.

2013 – ییلی سیلاویده یوتوق قازانگن پاکستان مسلمان لیگی – نواز شریف حزبی قولدن بیرگن چوکی نینگ سانی 100 نینگ اطرافیده دیر.

نتیجه لر اعلان بولیب باشله گندن بیری کوپ سانده حزبدن فسادگه قول اورولگن لیگی ادعاسی بیلن اعتراض ایتیلماقده دیر.

پاکستان فدرال مجلسیده 342 ملت وکی نینگ 272 ته سی سیلاو آرقه لی معلوم بوله دی. قالگن قسمی خاتین – قیز و اقلیت لردن عبارت دیر. بیر حزب نینگ اقتدارنی قولگه کیریتیشی اوچون 137 ملت وکیل گه ایگه بولیشی کیره ک.