میرضیایف رسمی سفر چوکاتیده ترکمنستان گه تشریف بیوردی
اوزبیکستان جمهور رئیسی شوکت میرضیایف، ایکّی آی آره دن سونگره تکرار ترکمنستان گه باردی
اوزبیکستان جمهور رئیسی شوکت میرضیایف، 2016- ییلی 14- دسامبرده جمهور رئیسلیک وظیفه سیگه باشله گندن سونگره ایلک رسمي سفرینی اوتگن مارچ آیی نینگ باشلریده ترکمنستان گه اویوشتیرگن ایدی. ایکّی اولکه اورته سیده، بیرینچی ا‌ورینده مدني و معارف موضوعلر بیلن بیر قطارده جوده کوپ سانده همکارلیک بیتیملری امضالنگن ایدی.
ترکمن و اوزبیک رهبرلر علیحده، آمو دریاسی اوستیده انشا ایتیلگن ترکمن آباد - فارا‌ب کوپریگی بیلن ترکمن آباد شهریده قورد یریلگن اوزبیکستان نینگ ایلک دولت رهبری اسلام کریم اوف یادگارلیگینی بیرگه لیکده خذمتگه آچگن ایدیلر.
قیسقه مدت آلدین عملگه آشگن اوشبو زیارت نینگ آرتیدن، اوزبیکستان جمهور رئیسی میرضیایف ینگیدن ترکمنستانده.
ترکمنستان جمهور رئیسی قوربا‌نقلی بیردی محمداوف نینگ دعوتی گه بناءً رسمي سفر بیلن تشریف بویورگن میرضیایف، ترکمن باشی قونلغه سیده ترکمن اداره چیلر تامانیدن رسمي مراسم بیلن کوتیب آلیندی.
اوزبیکستان رهبری اولاً، آوازه توریزم کمپیده دَم آله یاتگن 100 نفر اوزبیک باله و یاشنی زیارت ایتدی.
بو ییرده اوزبیک باله لر تامانیدن کوتیب آلینگن میرضیایف، اولر بیلن بیرگه لیکده دینگیز توریگه هم اشتراک ایتدی.
تشریف نینگ رسمي دستوری، ترکمن رهبر بیردی محمداوف و اوزبیکستان جمهور رئیسی میرضیایف اوز ارا اوچره شووی بیلن باشله دی. آرتیدن، ترکمن و اوزبیک هیأتلر اورته سیده اوچره شوولر عملگه آشیریلدی و انرژی، ترانسپورت و سپورت ساحه لریده همکارلیک بیتیملری امضالندی.
جمهور رئیسلر حضوریده عملگه آشگن امضا مراسمیده، عشق آباد و تاشکینت اورته سیده برادر شهر علاقه سی نینگ توزیلیشی گه قره ته بیتیملر هم امضالندی.
ترکمنستان و اوزبیکستان جمهور رئیسلری مشترک مطبوعاتی انجمنیده، ایکّی اولکه نینگ، مشترک آسیا نینگ حضورلی و برقرار رواجلنیشی و بونی تأمین ایته دیگن کوچلی و تأثیرلی میکانیزملر تشکیل ایتیلیشی موضوعسیده بیر خیل فکرده ایکنلیکلری تأکیدلندی.
ترکمن- اوزبیک استراتیژیک همکارلیک نینگ اساسي موضوعسی ایسه انرژی و ترانسپورت ساحه لری ایکنینی ایتگن رهبرلر، اوراسيا انرژی و ترانسپورت آقیشی نینگ تشکیلي موضوعسیده مشترک فکرگه ایگه ایکن لیکلری تأکید لندی.
