ننگرهار خلقی نینگ پاکستان گه قرشی قتتیق عکس العملی

افغانستان نینگ ننگرهار ولایتی لعل پور اولسواللیگیده پاکستان نینگ چیگره ده گی راکتی هجوملری گه قرشی ناراضی چیلیک نمایش لری اوتکزیلدی. 

پاکستان نینگ, افغانستان نینگ ایچکی ایشلری گه اره له شگن لیگی نی بیلدیرگن مظاهره چیلر نینگ, اوشبو ناراضی چیلیک نمایش لری لعل پور اولسواللیگی بناسی نینگ اونگی گه قدر دوام ایتدی. 

مظاهره چیلر, "هیچ قنده ی بیر اولکه نینگ وطنی میز نینگ ایچکی ایشلری گه اره له شیشی گه اجازت بیرمیمیز" و "پاکستان اولسواللیگی میز گه قره تیلگن هجوملری نی توختتسین" شکلیده شعار بیررایکن, افغانستان ده گی برقرارسیزلیک نینگ اساسی سببی نینگ پاکستان دن عبارت ایکن لیگی نی بیلدیردی. 

جدی امنیتی تدبیر لر نینگ آلینگن بیر شکلده بولیب اوتگن اوشبو مظاهره لر جریانیده هیچ قنده ی بیر حادثه یوز بیرمه دی. 

پاکستان اردوسی سونگگی اوچ کونده اوشبو اولسواللیک گه یوزلب راکت اوردی. 

اوچ کون آلدین پاکستانده لعل شهباز قلندر تربتی گه قره ته اویوشتیریلگن بیر هجوم عاقبتیده کوپلب کیشی جان بیررایکن, 150 دن آرتیغراق کیشی ایسه یره لنگن ایدی.

اوشبو تروریستیک هجوم نینگ مسئولیتی نی ترور تشکیلاتی داعش نینگ اوز بوینی گه آلیشی آرتیدن, اسلام آباد رهبریتی خودی منه شوو هجوم نینگ افغانستان چیگره لری ایچیده ریجه لنگن لیگی نی بیلدیریب, ایککی اولکه آره سیده گی چیگره دروازه سیدن عبارت تورخم نی یاپیب قویگن ایدی. 

عینی دمده پاکستان اردوسی, کابل رهبریتی گه 76 نفر تروریست نینگ اسمی نینگ موجود بولگن بیر لیست نی یوباریب اوشبو لیست ده گی تروریست لرنینگ اسلام آباد رهبریتی گه تاپشیریلیشی نی طلب ایتگن ایدی. 

بیرلشگن ملت لر تشکیلاتی اوشبو تروریستیک هجوم نی قاره لرایکن, ایککی اولکه نینگ تروریزم گه قرشی کوره ش بوییچه بیر یقه دن باش چیقاریش لری کیره ک ایکن لیگی نی بیلدیرگن ایدی.