استانبولده اویوشتیریلگن تروریستیک هجوم قاره لندی

ترکیه جمهوریتی باش وزیری احمد داوود اوغلی, بوگون استانبولده اویوشتیریلگن تروریستیک هجوم بیلن علاقه لی ترکیه ایچکی ایشلر وزیری افکان اعلی دن معلومات آلدی.

باش وزیر اورینباسری و حکومت سوزلاوچیسی نعمان قورتولموش ایسه, تروریزم گه قرشی کوره ش نینگ سونگگی گه قدر دوام ایته دیگن لیگی نی بیلدیردی.

قورتولموش, ترکیه نینگ اردو ولایتیده بیرگن بیاناتلریده, بوگون استانبولده اویوشتیریلگن خائنانه هجوم نی قاره لب چیقدی.

ترکیه جمهوریتی تشقی ایشلر وزیری مولود چاووش اوغلی, تروریزم نینگ ینه بیر مرتبه لعنت لیک یوزی نی کورسه تیب بیرگن لیگی نی بیلدیردی.

رسمی بیر سفر بیلن انقره گه تشریف بویورگن جواب ظریف بیلن مشترک بیر مطبوعاتی کنفرانس ترتیب له گن چاووش اوغلی, اوشبو خائنانه هجومنی قاره لب چیقدی.