تورکیه بیر ییلده بیر یریم میلیارد دالرلیک قوریق میوه صادر قیلدی

تورکیه قوریق میوه سکتوری, میلادی 2022- ییلده 1 میلیارد 573 میلیون 464 مینگ دالرلیک صادرات قیلدی. 

جنوبشرقی انادولو صادراتچی بیرلیک لری نینگ معلوماتی گه کوره, تورکیه میلادی 2022- ییلده 153 اولکه گه 498 مینگ 926 تن قوریق میوه صادر قیلگن. 

میلادی 2021- ییلده 1 میلیارد 568 میلیون 816 مینگ دالرلیک صادرات قیلگن مذکور سکتور صادراتچی لری, 2022- ییلده ایسه 1 میلیارد 573 میلیون 464 مینگ دالرلیک صادرات قیلدی. 

اینگ کوپ صادرات نینگ (204 میلیون 379 مینگ دالر) آلمان گه قیلینگن لیگی بیلدیریلدی. 

آلمان آرتیدن 154 میلیون 269 مینگ دالر بیلن انگلستان و 126 میلیون 178 مینگ دالر بیلن امریکا قوشمه ایالت لری نینگ اینگ کوپ صادرات قیلینگن ایکّینچی و اوچینچی اولکه لر بولگن لیگی معلوم قیلیندی.