جی 7 اولکه لری اوکراین گه میلیاردلب دالر یاردم ایتیب بیره دی

امریکا قوشمه ایالتلری، آلمان، انگلستان، کانادا، فرانسه، جاپان و ایتالیادن عبارت جی 7 اولکه لری نینگ مالیه وزیرلری اوکراین گه 24 دن آرتیق دالر یاردم بیره دی.

جی 7 اولکه لری نینگ مالیه وزیرلری و مرکز بانکی باشلیغلری روسیه تامانیدن 24 فبروریده اوکراین گه باشلتگن اوروش بیلن تیگیشلی بیانات بیردی.

بیاناتده مذکور اولکه لرنینگ مالیه وزیرلری و مرکز بانکی باشلیغلری روسیه تامانیدن اوکراین گه باشلتگن اوروش نی، اوروش باعث یوز بیرگن تلفات و اوروش نینگ گلوبال اقتصادی تاثیرینی بهالندیریش اوچون اوچره شگن لیکلری بیلدیریلدی.

خلق ارا موسسه لرنینگ ایندی روسیه بیلن هردایمگی کبی دوام ایتتیرمسلیکلری کیره ک لیگی تاکییدلنگن حالده روسیه نینگ بو هفته اویوشتیریلگن جی 20 خلق ارا پول فندی IMF و دنیا بانکی جلسه لری قاله ویرسه خلق ارا ییغینلرگه قتنشیشی باعث متاثر بولگن لیکلری افاده ایتیلدی.

مذکور بیاناتده "خلق ارا همجمعیت بیلن بیرگه لیکده 2022 و اوندن کیین هم اقتصادی همده مالی اوله راق 24 میلیارددن آرتیق دالر همکارلیک قیلدیک و تعهد قیلدیک" دییلدی.

اوکراین و قوشنی اولکه لریگه بیریلگن همککارلیک نینگ ریجه لشتیریلیشی نینگ اهمیت گه سزاوار ایکن لیگی اورغولنگن بیاناتده اولکه لر و خلق ارا موسسه لرگه اوکراین نینگ کمچیلیگینی برطرف ایتیلیشی اوچون و کیله جگینی قیته دن قوریش اوچون ییترلی همکارلیک نینگ تامین ایتیلیشی بوییچه چیقریق قیلیندی.