طالبان: افغانستان نینگ قیته قوریلیشی بوییچه چین همکارلیک قیله دی

طالبان: افغانستان نینگ قیته قوریلیشی بوییچه چین همکارلیک قیله دی

اوشبو توغریده طالبان سوزچیسی ذبیح الله مجاهد بیانات بیردی

طالبان سوزچیسی ذبیح الله مجاهد, افغانستان نینگ قیته قوریلیشی بوییچه چین نینگ همکارلیک قیله دیگن لیگی نی معلوم قیلدی. 

مجاهد نینگ, ایتالیا نینگ لا ریپوبلیکا روزنامه سیده, "طالبان صفتیده ایتالیا نینگ بیزنی تن آلیشی نی خواهله ماقده میز" و "چین, مالی جهت دن بیزنی حمایت قیله دی" عنوان لری گه ایگه راپورتاژ لری ترقه تیلدی. 

راپورتاژده, مجاهد, "پکن, اولکه نینگ قیته قوریلیشی بوییچه بیز بیلن همکارلیک قیله دی.  بیزنینگ اساسی همکاری میز چین دن عبارت بوله دی.  اولکه میزده سرمایه گذارلیک قیلیش و قیته قوریش توغریسیده تیار ایکن لیگی سببلی چین, بیزنینگ جهتی میزدن فوق العاده بیر امکانیت دن عبارت" دییه قید ایتدی. 

چین نینگ "بیر کمربند بیر یول" تشبثی گه اهمیت بیریاتگن لیک لری نی معلوم قیلگن مجاهد, "بو پروژه, قدیم ایپک یولی نی قیته باشدن جانلنتیره دی.  عینی دمده, چین لیک لر تامانیدن بهالنتیریلیشی ممکن بولگن مس معدن لری میز بار.  نتیجه ده چین بیزنینگ دنیا بازار لری گه چیقیشی میز گه سبب بوله دی" دییه قید ایتدی. 

مجاهد, روسیه نی منطقه ده اهمیت گه ایگه مهم بیر همکار اوله راق بهالنتیریاتگن لیک لری نی بیلدیردی. 

روسیه بیلن یخشی مناسبت گه ایگه بوله دیگن لیک لری نی بیلدیرگن مجاهد, مسکو نینگ اولر بیلن بیرگه خلق ارا تینچلیک شرایطی نینگ تامین ایتیلیشی بوییچه واسطه چیلیک قیلیاتگن لیگی نی معلوم قیلدی. 

مجاهد, کابل هوا قونلغه سی نینگ قچان آچیله دیگن لیگی بیلن علاقه لی سئوال گه هم جواب قیتردی. 

ذبیح الله مجاهد هوا قونلغه سی نینگ کنترولی نی قولگه آلگن لیک لری نی بیلدیررایکن, اوشبو ییرنینگ جدی روشده متضرر بولگن لیگی نی معلوم قیلدی. 

مجاهد, "تورکیه و قطر, هوا قونلغه سی نینگ تکرار فعالیت گه باشله شی بوییچه قیزیقماقده.  کیلگوسی اوچ کونده بوتونله ی تازه له نیب قیسقه بیر مدت کیین قیته قوریلگن بوله دی.  هوا قونلغه سی نینگ سپتامبر آییده فعالیت گه باشلشی نی امید ایتماقده من" دییه قید ایتدی. 

ایتالیا بیلن مناسبت لرنینگ یخشی لشتیریلیشی و ایتالیا تامانیدن تن آلینیش نی خواهلیاتگن لیک لری نی بیلدیرگن مجاهد, اوز سوزلرینی, "ایتالیا نینگ کابل ده گی ایلچی لیگی نی آچیشی نی امید ایتماقده من.  سیزنینگ اولکه نگیز بیزنینگ جهتی میزدن مهم" شکلیده دوام ایتتیردی.