جمهوررئیس ایردوغان باشچیلیگیده اقتصادی همکارلیک تشکیلاتی رهبر لر ییغیلیشی بولیب اوته دی
اوشبو ییغیلیش نینگ انترنت آرقه لی بولیب اوته دیگن لیگی بیلدیریلدی
بوگون انترنت آرقه لی تورکیه جمهوریتی جمهوررئیسی رجب طیب ایردوغان باشلیچیگیده اقتصادی همکارلیک تشکیلاتی نینگ 14- رهبر لر ییغیلیشی بولیب اوته دی.
جمهوررئیسلیک ارتباط لر ریاستی تامانیدن بیریگن بیاناتده, رهبر لر ییغیلیشی گه اعضا اولکه لرنینگ رهبر لری, ناظر اولکه بولگن شمالی قبرس تورک جمهوریتی جمهوررئیسی و تورک کینگشی بیلن انرژی امنیتی عمومی سکرتر لری نینگ اشتراک ایته دیگن لیک لری معلوم قیلیندی.
بیاناتده, "کووید 19 دن کیینگی دورده منطقه مقیاسیده گی اقتصادی همکارلیک لر بیلن علاقه لی اوشبو رهبر لر ییغیلیشیده, خلق ارا تولید مرکز لری آره سیده کوپریک رولی گه ایگه بولگن, تجارت نینگ اورته نقطه لریدن بیری ده اورین آلگن جغرافیه میزده گی اینگ مهم اقتصادی همکارلیک موسسه لری دن بیری بولگن اقتصادی همکارلیک تشکیلاتی نینگ موثریتی نینگ آرتیریلیشی بوییچه سوز یوریتیله دی" دییه قید ایتیلدی.
عینی دمده ییغیلیشده, کووید 19 پاندمی سی گه قرشی کوره ش و پاندمی آرتیدن تشکیلات دایره سیده تشله نه دیگن قدم لرنینگ مشترک بولیشی و کیلگوسیده اقتصادی همکارلیک میکانیزم لری نینگ کوچه یتیریلیشی کبی موضوع لر توغریسیده هم بحث ایتیله دیگن لیگی معلوم قیلیندی.