آلیب قاچیریلگن تورک دینگیزچی لر قوتقریلیب تورکیه گه کیتیریلدی

نیجریه ده دینگیز قراقچی لری تامانیدن موتسات کیمه سیدن آلیب قاچیریلگن 15 نفر تورک دینگیزچی, قوتقریلیب تورکیه گه کیتیریلدی. 

تورکیه گه کیتیریلگن اوشبو دینگیزچی لر نی استانبول هوا قونلغه سیده عایله اعضالری بیلن بیر قطارده تورکیه جمهوریتی تشقی ایش لر وزیری مولود چاووش اوغلی هم کوتیب آلدی. 

قوتقریلیب تورکیه گه کیتیریلگن تورک دینگیزچی لر دن بیری بولگن جان جنگیل, "جوده یمان کون لر اوتکزدیک. دولتی میز و شرکتی میز نینگ سعی و حرکت لری نی حس ایتدیک.  کوپ ضرر کورمسدن بو ییر گه کیله آلدیک" دییه قید ایتدی. 

جنگیل, تورکیه گه قیتیب کیلگن لیک لری اوچون جوده خرسند ایکن لیگی نی معلوم قیلدی.

میلادی 2021- ییل 23 جنوری ده موتسارت کیمه سی نیجریه نینگ لاگوس شهری نینگ 180 کیلومتر مسافه سیده گی بیر نقطه ده دینگیز قراقچی لری نینگ هجومی گه دوچ کیلیب قالدی. 

کیمه ده گی 19 نفر پرسونل دن آذربایجان لیک بیر پرسونلی اولدیریلرایکن, 15 پرسونل ایسه آلیب قاچیریلگن ایدی. 

کیمه 3 پرسونل بیلن گابون نینگ پورت-جنتیل بندری گه حرکت ایترایکن, قراقچی لرنینگ هجومی دن  قوتیلگن 3 نفر تورک دینگیزچی ایسه 30 جنوری ده تورکیه گه کیتیریلگن ایدی.