تورکیه فرانسه ده ماسک کارخانه سی قوردی
اوشبو کارخانه فرانسه نینگ استراسبورگ شهریده قوریلدی
تورکیه نینگ چیت ایللرده گی تورک لر و قرینداش جمعیت لر اداره سی (YTB) نینگ همکارلیگی بیلن فرانسه نینگ استراسبورگ شهریده کرونا ویروس گه قرشی کوره ش دایره سیده ماسک و چپن کارخانه سی قوریلدی.
اوشبو اداره تامانیدن بیریلگن یازمه بیاناتده, ینگی تور کرونا ویروس (کووید 19) گه قرشی کوره ش دایره سیده, استراسبورگ ده گی دیانت ایش لری تورک اسلام بیرلیگی یونس ایمره جامع مسجدی اویوشمه سی بیلن اورتاق فعالیت باشله تیلگن لیگی بیلدیریلدی.
اوشبو دایره ده, قوریلگن کارخانه ده, مذکور اویوشمه نینگ عیال اعضالری ماسک و چپن تیکه باشله دی.
کارخانه ده تولید ایتیله دیگن ماسک لر و چپن لر, تورک وطنداش لری, کسلخانه لر و قری لرنینگ یشیاتگن مرکز لر ده گی محتاج کیشی لر گه ترقه تیله دی.
منطقه ده گی ضرورت گه کوره, اوشبو کارخانه نینگ ایشلب چیقریش ظرفیتی نینگ کوپه یتریلیشی ریجه لنماقده.
تورکیه نینگ چیت ایللرده گی تورک لر و قرینداش جمعیت لر اداره سی, خارج ده گی تورک لر و نادولت تشکیلات لر واسطه سی بیلن محتاج عایله لر گه یاردم بیررایکن, کرونا ویروس گه قرشی کوره ش دایره سیده ساغلیق پرسونلی گه مورال بیریش اوچون اولر گه ساوغه لر تقدیم ایتماقده.
