امریکا قوشمه ایالتلری ساغلیق نی سقلش وزیری تورکیه گه منتدارچیلیک بیلدیردی

امریکا قوشمه ایالت لری ساغلیق نی سقلش و اجتماعی خدمت لر وزیری الکس ایزار, ینگی تور کرونا ویروس (کووید 19) گه قرشی کوره ش دایره سیده امریکا گه طبی یاردم یوبارگن لیگی اوچون تورکیه گه منتدارچیلیک بیلدیردی. 

تورکیه جمهوریتی ساغلیق نی سقلش وزیری فخرالدین کوجه, تویتر آرقه لی بیرگن بیاناتیده, تلفن آرقه لی, امریکالیک کسبداشی الکس ایزار بیلن اوچره شگن لیگی نی معلوم قیلدی.

کوجه, "ایزار, جمهوررئیسی میز نینگ بویروغی گه بناً امریکا قوشمه ایالتلری گه طبی یاردم یوباریلگن لیگی اوچون منتدارچیلیک بیلدیردی.  تورکیه نینگ تدبیر لری و تداوی ده بیز نینگ تامانی میزدن استفاده ایتیلگن میتود لر نی کینگ توشینتیریب بیردیک" دییه قید ایتدی. 

عینی دمده اوشبو اوچره شوو دایره سیده, ایککی اولکه نینگ کووید 19 گه قرشی کوره ش بوییچه آلیب باریاتگن علمی فعالیت لری, تداوی میتود لری, واکسین و دوا ایشلب چیقریش توغریسیده گی علمی تحقیقات لر حقیده فکر المه شیلگن لیگی بیلدیریلدی. 

تورکیه دن امریکا قوشمه ایالت لری گه ایککی مرته طبی یاردم یوباریلگن ایدی.