تونس بیلن لیبیا اورته سیده دینگیز آرقه لی تجارت یولی آچیلدی

تونس بیلن لیبیا اورته سیده دینگیز آرقه لی تجارت یولی آچیلدی و ایلک کیمه یول آلدی.

تونس نینگ جنوبیده جایلشگن سفاکس شهری بندر مدیری انیس کمّون، تورلی غذائی مواددن عبارت 140 کانتینر بولگن سوداگرلیک کیمه سی نینگ بندردن لیبیانینگ پایتختی الطرابلس گه قره ب یول آلگن لیگینی بیلدیردی.

بو کیمه سفری نینگ 48 ساعت دوام ایته جگینی معلوم قیلگن کمّون خوددی شو تجاری سفرلرنینگ 10 کونده بیر مرته بوله جگینی و باشلنغیچده صادرات بیلن محدود بوله جگینی قید ایتدی.

تونس تجارت وزیری محمد المصیلینی بیرگن بیاناتیده، صاراتی ماللرنینگ بوندن آلدین ییر قتناو یولی آرقه لی لیبیاگه کیتگن لیگینی بیراق ینگی تور کروناویروس (کوید-19) کسل لیگی چاره - تدبیرلری باعث معمالر یوز بیریشی سببلی دینگیز یولینی آچیش گه مجبور بولگن لیکلرینی ایتگندی.

ایککی اولکه اورته سیده 2013 – ییلی هم دینگیز تجارت یولی آچیلگندی بیراق خوفسیزلیک قیینچیلیکلری باعث بو پروزه موفق بولمه گندی.