تورکیه لبنان گه یاردم یوباردی

تورکیه جمهوریتی ینگی تور کرونا ویروس (کووید 19) گه قرشی کوره ش دایره سیده لبنان گه یاردم یوباردی.

اوشبو یاردم لرنینگ مکرونی, اوسیملیک یاغی, برنج, سوت و شکر کبی غذایی مواد دن عبارت ایکن لیگی بیلدیریلدی. 

تورکیه نینگ بیروت ایلچی خانه سی گه آلیب باریلگن اوشبو یاردم لر لبنان ده گی 600 دن آرتیق یوقسیل عایله گه ترقه تیلدی. 

تورکیه نینگ بیروت ایلچی سی خاقان چاکیل, "تورک حکومتی, دنیا نینگ کرونا ویروس گه قرشی کوره شیاتگن خوددی شوو کون لرده قرداش لبنان خلقی نینگ ویروس گه قرشی کوره شی گه حصه قوشیش نی خواهله دی" دییه قید ایتدی.

عیدمون نینگ سابق شهرداری کمال مقصود دنیا نینگ کوپلب جای لریده گی قرداش لری نی ایسدن چیقارمه گن تورکیه نینگ اوشبو یمان کون لرده لبنان لیک قرداش لری نی یالغوز قویمه گن لیگی نی بیلدیردی. 

تورکیه نینگ هردایم لبنان لیک لر نی قوللب- قوتلب کیلیاتگن لیگی نی بیلدیرگن مقصود, اوشبو یاردم لرنینگ, کووید 19 گه قرشی کوره ش اوچون حکومت تامانیدن اعلان ایتیلگن تدبیر لر دایره سیده دوکان لرنینگ یاپیلیشی آرتیدن قیین چیلیککه دوچ کیلیب قالگن عایله لر گه اهمیت بیریلیاتگن لیگی نی کورستیاتگن لیگی نی معلوم قیلدی. 

عینی دمده تورک همکارلیک و کوردیناسیون آژانسی (تیکا) نینگ هم کیلگوسی کون لر ده لبنان گه طبی یاردم جونه تیشی کوتیلماقده.