اردوغان: بیزنینگ راضی لیگیمیزسیز شرقی آق دینگیز ده بیر ایش قیلیش لری ممکن ایمس
جمهوررئیس اردوغان اوشبو مطلب نی تی آر تی بیلن قیلگن مصاحبه سیده بیلدیردی
تورکیه جمهوریتی جمهوررئیسی رجب طیب اردوغان, "یونان, اسرائیل, مصر و جنوبی قبرس روم رهبریتی نینگ بیز نینگ راضی لیگیمیزسیز شرقی آق دینگیز ده بیر ایش قیلیشی ممکن ایمس" دییه قید ایتدی.
جمهوررئیس اردوغان, تورکیه جمهوریتی ملی رادیو تلویزیونی تی آر تی بیلن قیلگن مصاحبه سیده بیریلگن سئوال لر گه جواب قیتردی.
اردوغان, شرقی آق دینگیزده لیبیا بیلن بولگن کیلیشوو آرقه لی تورکیه نینگ خلق ارا حقوق دایره سیده اوز حق لریدن فایده لنگن لیگی نی بیلدیررایکن, "شونده ی قیلیب یونان هیچ نرسه قیله آلمی قالدی. اونینگ اوچون دیوانه بولیب قالدی لر" دییه قید ایتدی.
"حاضرگی کون گه قدر شرقی آق دینگیز ده گی امکانیت لردن استفاده ایتیب کیلدیلر. ایندی بونده ی بولمَیدی. بیز هم حقی میزنی آله میز" دییه قید ایتگن اردوغان, اوز سوز لری نی, "ینه بیر برمه کارلیک کیمه سی آله میز. فقط گینه آق دینگیز ده ایسه, قاره دینگیز ده و حتی خلق ارا سوو لرده هم فعالیت آلیب باره میز" شکلیده دوام ایتتیردی.
جمهوررئیس اردوغان, تورکیه بیلن قیرغاقداش بولگن برچه اولکه لر بیلن مذاکره گه تیار ایکن لیک لری نی بیلدیررایکن, مسئله نینگ حقلی بیر شکلده ییچیلیشی بوییچه چقریق لری نی دوام ایتتیریاتگن لیک لری نی ایسله تیب اوتدی.
اردوغان, "تورکیه نینگ لیبیا گه عسکر جونه تیشی ممکن می؟" دیگن سئوال گه, "لیبیا نینگ طلب ایتیشی تقدیرده تورکیه نینگ اوزی اوشبو خصوصده قرار قیله دی. تورکیه نینگ اوشبو توغریسیده هر قنده ی بیر تاماندن اجازت آلیشی بحث موضوعی ایمس" دییه جواب قیتردی.
