اوزبیکستان نینگ تورک کینگشی اعضالیگی خرسندچیلیک بیلن کوتیب آلیندی

قزاقستان, اوزبیکستان نینگ تورک تیلیده گپیره دیگن اولکه لر بیرلیگی کینگشی (تورک کینگشی) اعضالیگی نی خرسندچیلیک بیلن کوتیب آلدی. 

قزاقستان تشقی ایش لر وزیرلیگی تامانیدن بیریلگن یازمه بیاناتده, اوزبیکستان نینگ تورک کینگشی گه کیریشی نینگ خرسندچیلیک بیلن کوتیب آلینگن لیگی بیلدیریلرایکن, خوددی شوو اعضالیک نینگ تورک دنیا سی جهتی دن اوته مهم بیر ینگیلیک دن عبارت بولگن لیگی معلوم قیلیندی.

بیاناتده, اوشبو اعضالیک نینگ, تورک دنیاسی نینگ بیر یقه دن باش چیقاریشی گه سبب بوله دیگن لیگی دیک, کینگش ده گی اقتصادی همکارلیک نی هم آرتیره دیگن لیگی بیلدیریلدی. 

اوزبیکستان جمهوررئیسی شوکت میرضیایف اوتگن هفته ده اوشبو موضوع توغریسیده گی تقنینی فرمان نی امضاله گن ایدی.

اوزبیکستان نینگ تورک کینگشی اعضالیگی نینگ 15 اکتور ده تورک کینگشی اعضاسی اولکه لرنینگ جمهوررئیس لری تامانیدن تصدیق له نیشی کوتیلماقده. 

تورک کینگشی, 2009 – ییل 3 اکتورده, قزاقستان نینگ سابق جمهوررئیسی نور سلطان نظربایف نینگ سعی و حرکت لری نتیجه سیده قوریلگن ایدی.