تورکیه بیلن قزاقستان اورته سیده گی تجارت حجمی کونساین آرتیب بارماقده

قزاقستان تشقی ایش لر وزیری بیبوت آتمقولوف, اوتگن ییل نینگ خوددی شوو دوری بیلن سالشتیریلگنده, جاری ییل نینگ ایلک اوچ آییده تورکیه بیلن قزاقستان اورته سیده گی تجارت حجمی نینگ 50 فایز گه آشیب, 632 میلیون دالر گه کوتریلیب کیتگن لیگی نی بیلدیردی. 

آتمقولوف, قزاقستان پایتختی گه تشریف بویورگن تورکیه جمهوریتی تشقی ایش لر وزیری مولود چاووش اوغلی بیلن اورتاق مطبوعاتی کنفرانس ترتیب له دی. 

آتمقولوف, "اینگ مهم نرسه جمهوررئیس لری میز نینگ تجارت حجمی نینگ 5 میلیارد دالر گه کوتریلیشی هدفی دن عبارت.  جاری ییل نینگ ایلک اوچ آییده ایککی اولکه اورته سیده گی تجارت حجمی 632 میلیون دالر گه کوتریلیب کیتدی.  اوتگن ییل نینگ خوددی شوو دوری بیلن سالشتیریلگنده اوشبو رقم نینگ 50 فایزگه آشگن لیگی کورینماقده.  عینی دمده, قزاقستان ده 2 مینگ 2 یوز دن آرتیق تورک شرکت فرقلی سکتور لر ده ایش آلیب بارماقده" دییه قید ایتدی. 

عینی دمده آتمقولوف, قزاقستان نینگ اوروپا بیلن آسیا اورته سیده گی ترانسپورت بوییچه هم کتته موفقیت لر قولگه کیریتگن لیگی نی بیلدیردی. 

تشقی ایش لر وزیری آتمقولوف, "قزاقستان آقتاو بندری نی مدرن لشتیریب ظرفیتی نی آرتیردی.  تورک سرمایه دارلر نی آقتاو بندری نینگ ترانسپورت و لوژستیک جهت دن مدرن لشتیریلیشی بوییچه حصه قوشیش گه چقیردیک" دییه قید ایتدی.