تورکیه, قزاقستان, آذربایجان و قیرغزستان مشترک تورک تجارت اتاقی قوردی

تورکیه, قزاقستان, آذربایجان و قیرغزستان, اورتاق "تورک تجارت و صنایع اتاقی" قوردی.

تورک کینگشی دایره سیده تورک تجارت و صنایع اتاقی نینگ قوریلیشی بیلن علاقه لی کیلیشوو, قزاقستان ده بولیب اوتگن اقتصادی ییغیلیش جریانیده امضالندی. 

تورک کینگشی عمومی سکرتری بغداد همراه یف باشچیلیگیده بولیب اوتگن امضا مراسمی گه قزاقستان باش وزیری عسکر مامین, تورکیه تجارت اتاق لری بیرلیگی نینگ باشلیغی رفعت حصارجیقلی اوغلی, قزاقستان آته مکان ملی متشبث لر اتاقی نینگ باشلیغی آبیلای میرزا احمدوف, آذربایجان ملی متشبث لر کنفدراسیونی ایش لر نی تنظیم قیلیش بولیمی مسئولی محمد موسی ایف بیلن قیرغزستان تجارت و صنایع اتاقی باشلیغی نینگ اورینباسری اشتراک قیلدی. 

تورک تجارت و صنایع اتاقی, تورک کینگشی اعضاسی اولکه لر اورته سیده اقتصادی مناسبت لر و ایککی تامانلمه اوله راق تجارت میزانی نینگ آرتیریلیشی بوییچه فعالیت آلیب باره دی.