تورکیه نینگ توریزم درآمدی بوییچه راپور ترقه تیلدی

تورکیه ده توریزم عایدی جاری ییل نینگ 4 آیی جریانیده اوتگن ییل نینگ خوددی شو باسقیچی گه کوره 4،6 فایز کوپه ییب 4 میلیارد 629 میلیون 679 مینگ دالرگه باردی.

تورکیه استاتیستیک اداره سی، جاری ییل نینگ جنوری-مارچ آیلری بیلن تیگیشلی توریزم راپورینی بیلدیردی.

شونده ی بولیب توریزم عایدی جاری ییل نینگ 4 آیی جریانیده اوتگن ییل نینگ خوددی شو باسقیچی گه کوره 4،6 فایز کوپه ییب 4 میلیارد 629 میلیون 679 مینگ دالرگه باردی. بونینگ 80،3 فایزی چیت ایللیک سیاحلر آرقه لی، 19،7 فایزی ایسه چیت ایلده حیات کیچیرووچی تورک وطنداشلری آرقه لی قولگه کیریتیلدی.

شو پولدن 4 میلیارد 86 میلیون 903 مینگ دالر شخصی خرجتلر، 542 میلیون 776 مینگ دالر ایسه پکیج تور خرجتلریدن عبارت.

هر بیر سیاح نینگ اورته چه خرجتی 697 دالر، چیت ایل لیکلرنینگ خرجتی اورته چه 678 دالر، چیت ایلده حیات کیچیرووچی تورک وطنداشلرنینگ اورته چه خرجتلری 765 دالر دیب بیلدیریلدی.