اوکران تورکیه دن ساتیب آلگن اوچووچیسیز هوا واسطه لری نینگ سینشینی عملگه آشیره دی

اوکراین دولت باشلیغی پترو پوروشنکو، تورکیه دن ساتیب آلگن بیراقدار TB2 مودل اوچووچیسیز هوا واسطه سی (İHA) تیزیمی نینگ مملکتیده سینشیدن خبر بیردی.

پوروشنکو، اجتماعی ترماق آرقه لی بیرگن بیاناتیده،

"تورکیه جمهور باشلیغی (رجب طیب ایردوغان) بیلن تسلیماتی بوییچه کیلیشیب آلگن بیراقدار اوچووچیسیز هوا واسطه سی نینگ سینشی یقینده عملگه آشیریله دی" دیدی.

پترو پروشینکو، جنوری آییده تورکیه بیلن بیراقدارTB2 مودل İHA ساتیب آلیش توغریسیده کیلیشووگه قول قوییلگن لیگینی اعلان قیلگن ایدی.  

بیراقدار تامانیدن ایشلب چیقریلگن اوشبو هوا واسطه سی نینگ اوکراین گه ساتیش کیلیشووی چوکاتیده 6 عدد بیراقدارTB2 مودل İHA ایشلب چیقریله دی و بو واسطه لر 1 ییل جریانیده تسلیم ایتیله دی.

اوشبو واسطه لر بیلن بیرگه لیکده 3 عدد ییر کنترول استیشنی تیزیمی و تجهیزاتلری هم اوکراین گه بیریله دی.