امریکا قوشمه ایالتلریده کوبا بیلن تجارت قیلگن شرکتلرنی محکمه گه بیریش امکانیتی یراتیب بیریلدی

امریکا قوشمه ایالتلری دولت باشلیغی دونالد ترامپ اداره سی، کوبا بیلن تجارت قیلگن چیت ایللیک شرکتلرگه قره ته امریکا محکمه لریده دعوا آچیش امکانیتی یراتیب بیردی.

آق اوی تامانیدن بیریلگن بیاناتده، کوباگه قره ته 60 ییلدن بیری عملی قیلینگن 60 چیکلاونینگ قتّیقراق قیلینه جگی بیلدیریلدی.

خوددی شو ینگی قرارنینگ آرتیدن امریکا قوشمه ایالتلری تامانیدن کوباده چیکلاو عملی قیلینگن 200 شرکت و دولت اداره لری بیلن ایش قیلگن خارجی شرکتلرنی امریکا محکمه لریگه بیریش ممکن.

امریکا قوشمه ایالتلری تشقی ایشلر وزیرلیگی تامانیدن موضوع بیلن تیگیشلی بیریلگن بیاناتده، "قبول قیلیب آلینگن اوشبو قرار بیلن امریکا قوشمه ایالتلری نینگ ملی منفعتلری بوییچه کوباده دموکراسی نینگ تامین ایتیلیشی اوچون دقتلی بیر تیکشیروو آلیب باریشیمزگه امکان یراته دی. کوبا بیلن تجارت قیلگن کیشی و موسسه لرنی کوبا دیکتاتورلیگی نینگ آله سی بولمس لیگی اوچون آگاهلنتیره میز" دیب ایتیلگن.

امریکا قوشمه ایالتلری – کوبا تجارت و اقتصادی کینگشی آتیده گی نا دولت جمعیت موسسه سیگه کوره، مذکور قرارنینگ آرتیدن امریکا قوشمه ایالتلریده 20 شرکت محکمه گه بیریلیشی ممکن.