امریکالیک ایسکی بویوک ایلچی اولکه سی نینگ تورکیه گه قره ته چیکلاو قرارلرینی تنقید ایتدی
امریکانینگ تورکیه گه قره ته آلیب بارگن اقتصادی اوروشدن اوزی نینگ زیان کوره جگینی ایتدی
امریکا قوشمه ایالتلری نینگ ایسکی انقره بویوک ایلچیسی راس ویلسون، مملکتی نینگ تورکیه گه قره ته آلیب بارگن اقتصادی اوروشدن اوزی نینگ زیان کوره جگینی و بونینگ خلق ارا بازارگه هم تاثیر قالدیره جگینی ایتدی.
امریکا قوشمه ایالتلریده مرکزی بولمیش Fox TV نینگ برنامه سیگه قتنشگن راس ویلسون، واشنگتن نینگ چیکلاوی قرارینی تنقید ایتیب، بوندن قول تارتمه گن تقدیرده هم امریکا قوشمه ایالتلریگه همده دنیاگه سلبی تاثیر قالدیره جگینی افاده ایتدی.
راس ویلسون، تورکه گه قره ته تحریملرنینگ ایککی بویوک ریسکی بولگن لیگینی بیلدیردی. ویلسون نینگ ایتیشیچه بو ریسکلردن بیرته سی ایککی اولکه اورته سیده اوزاق مدتلیک مناسبت نینگ زیان کوریشی ایککینچیسی ایسه تورکیه اقتصادیده گی منفی جریان نینگ ایریم بازارلرگه سلبی تاثیر قالدیریشی دیر.
تورکیه گه قره ته آلینگن قرارلرنینگ امریکا قوشمه ایالتلری نینگ منفعتی گه کتته ضرر ییتکیزه جگینی معلوم قیلیب، امریکانینگ بوندن قول ترتیش گه چقیردی.
