روسیه بیلن ترکیه آره سیده گی مناسبتلر یخشی لشماقده
روسیه بیلن ترکیه آره سیده گی مناسبتلر یخشی لشماقده
ترکیه بیلن روسیه آره سیده گی علاقه لر کونساین یخشی له شیب بارماقده.
ترکیه دن ایلک مراتبه وزیر لر سویه سیده بیر هیئت مسکو گه سفر قیلماقده.
شونده ی قیلیب ترکیه جمهوریتی باش وزیری نینگ اورینباسری محمد شمشک و ترکیه اقتصاد وزیری نهاد زیبکچی نینگ مسکو سفری اینیقسه اقتصاد ساحه سی بوییچه ترکیه بیلن روسیه آره سیده گی علاقه لر گه کتته حصه قوشه دی.
محمد شمشک و نهاد زیبکچی نینگ مسکو ده بولیب اوته دیگن اوچره شوو لر جریانیده اساساً ترکیه دن روسیه گه غذائی مواد صادراتی, انرژی و توریزم کبی اقتصادی موضوع لری بوییچه بحث ایتیش لری کوتیلماقده.
عینی دمده اوشبو اوچره شوو لر جریانیده ترکیه بیلن روسیه آره سیده گی اقتصادی علاقه لرنینگ یخشی لشتیریلیشی دن تشقری, روسیه اوروش طیاره سی نینگ ترکیه تامانیدن اوریلیب توشیریلیشیدن آلدین ایککی اولکه آره سیده بحث موضوعی بولگن هدف لر گه نایل بولینیشی توغری سیده هم بحث ایتیله دیگن لیگی بیلدیریلدی.
نوامبر آییده روسیه اوروش طیاره سی نینگ ترکیه تامانیدن اوریلیب توشیریلیشی آرتیدن بحرانی له شیب کیتگن ایککی اولکه آره سیده گی علاقه لر ترکیه جمهوریتی جمهوررئیسی رجب طیب اردوغان و روسیه دولت رهبری ولادیمیر پوتین نینگ اوز ارا صحبت ایتیش لری و کیین چه لیک ایسه خودی منه شو اولکه لر نینگ تشقی ایش لر وزیرلری نینگ قاره دینگیز اقتصادی همکارلیک ییغیلیشی دایره سیده روسیه نینگ سوچی شهریده اوز ارا اوچره شیش لری آرتیدن عادی له شیب باشله گن ایدی.
