تورکیه مطبوعاتیدن خلاصه لر 19.03.2024
تورکیه مطبوعاتیده باسیلیب چیققن خبر لرنینگ خلاصه لری
صباح روزنامه سی, تورکیه جمهوریتی جمهوررئیسی رجب طیب اردوغان نینگ, 18- مارچ شهید لرنی ایسلش کونی و چنق قلعه دینگیز غلبه سی نینگ 109 ییللیگی مناسبتی بیلن بولیب اوتگن مراسمده بیانات بیرگن لیگینی معلوم قیلماقده.
خبرده, اردوغان نینگ اوشبو بیاناتیده, "همه میز نینگ بیر یقه دن باش چیقریشی میز تقدیرده دشمن لری میز قنچه کوپ بولسه هم چنق قلعه روحی یولی میز نی آیدینله تیش گه دوام ایته دی" دییه قید ایتگن لیگی ایسله تیلماقده.
حریت روزنامه سی, تورکیه جمهوریتی ملی مدافعه وزیرلیگی نینگ, ناقانونی یوللر آرقه لی یونان گه اوتماقچی بولگن 3 کیشی نینگ چیگره چی لر تامانیدن اوشلنگن لیگینی بیلدیررایکن, اوشبو کیشی لرنینگ فتو ترور تشکیلاتی گه منسوب ایکن لیک لرینی بیلدیرگن لیگینی یازماقده.
وطن روزنامه سی, تورکیه نینگ بایکار شرکتی نینگ ایشلب چیقرگن تعرضی اوچووچیسیز اوچاق دن عبارت آقینچی نینگ, سوپرسونیک راکت İHA-230 بیلن ینه بیر بار هدف نی انیق اورگن لیگی گه دقت قره تماقده.
ستار روزنامه سی, قزاقستان و تورکیه هیئت لری نینگ, خزر دینگیزیده خوفسیزلیک نینگ تامین ایتیلیشی ساحه سی بوییچه بحث ایتگن لیک لرینی بیلدیرماقده.
خبرده, قزاقستان عاجل وضعیت لر وزیرلیگی تامانیدن بیریلگن بیاناتده, اوشبو اوچره شووده, دینگیزده خوفسیزلیک نینگ تامین ایتیلیشی و عاجل وضعیت لرده مداخله ایته دیگن کیمه لر بیلن منبع لرنینگ قورینیشی موضوع لری توغریسیده گی اوز ارا همکارلیک نینگ بهالنتیریلگن لیگی نینگ معلوم قیلینگن لیگی بیلدیریلماقده.
خبرتورک روزنامه سی, استانبول هوا قونلغه سی نینگ Air Transport Awards دایره سیده تورتینچی مراتبه "ییل نینگ هوا قونلغه سی" ساورینی گه سزاوار دیب تاپیلگن لیگی نی معلوم قیلماقده.
خبرده, یونانده بولیب اوتگن مراسمده, اوشبو ساورین نینگ استانبول قونلغه سی مسئول لری دن بیری بولگن صلاح الدین بیلگن گه تقدیم ایتیلگن لیگی ایسله تیلماقده.
