تورکیه نینگ مطبوعات خلاصه لری
تورکیه نینگ مطبوعات خلاصه لری
خبرتورک گزیته سی: " خاقان فیدان: غزه ده گی اوروش نی توخته تیش اوچون تاریخی مسؤلیتیمیز باردیر" سرلوحه سی بیلن خبر بیردی.
گزیته تشقی ایشلر وزیری خاقان فیدان نینگ بیرلشگن ملتلر تشکیلاتی خوفسیزلیک کینگشی نینگ فلسطین موضوعلی جلسه سیده "غزه و تشقریسیده دوام ایتیب تورگن اوروش، نه تینچلیک نه تسلیمیت گه سبب بوله دی. بو اوروش نی توخته تیش اوچون تاریخی مسؤلیتیمیز باردیر." دیگن لیگینی یازماقده.
حریت گزیته سی: " تورکیه بویوک ملت مجلسی سویدن نینگ ناتوگه اعضالیگینی تصدیقله دی" سرلوحه سی بیلن خبر بیردی.
گزیته تورکیه بویوک ملت مجلسی جلسه سیده سویدن نینگ ناتوگه اعضالیگی تصدیقلندی. 346 ملت وکیل قتنشگن رای بیریش گه 287 ته قبول، 55 ته رد 4 ته بی طرف رای چیقدی" دیب یازماقده.
صباح گزیته سی: " ملی استخبارات تشکیلاتی (میت) باشلیغی ابراهیم قلین عراق ده " سرلوحه سی بیلن خبر بیردی.
گزیته ملی استخبارات تشکیلاتی (میت) باشلیغی ابراهیم قلین عراق جمهور باشلیغی عبداللطیف رشید و باش وزیر محمد شیعه السودانی بیلن اوچره شدی. وچره شوولرده ترور تشکیلاتی پ ک ک و داعش گه قرشی کوره شده آتیله دیگن مشترک آدیملر و بو توغریده همکارلیک نینگ دوام ایتتیریلیشی بهالندیریلدی. " دیب یازماقده.
ستار گزیته سی: " کرملین دن تورکیه بیلن تیگیشلی بیانات بیریلدی" سرلوحه سی بیلن خبر بیردی.
گزیته کرملین سوزچیسی دیمیتری پیسکوف نینگ روسیه دولت باشلیغی ولادیمیر پوتین نینگ تورکیه گه تشریفی گه تیگیشلی تیارگرلیک جریانی نینگ دوام ایتیب تورگن لیگینی معلوم قیلگن لیگینی "روسیه بیلن تورکیه اورته سیده یوقاری سویه ده گی اوچره شوولر کون ترتیبیده" دیگن لیگینی یازماقده.
وطن گزیته سی: " انرژی و طبیعی منبعلر وزیری آلپ ارسلان بیراقدار بیرلشگن عرب امیرلیکلری سرمایه کیریتیش وزیری بیلن اوچره شدی" سرلوحه سی بیلن خبر بیردی.
گزیته انرژی و طبیعی منبعلر وزیری آلپ ارسلان بیراقدارنینگ توناون کونی بیرلشگن عرب امیرلیکلری سرمایه کیریتیش وزیری محمد حسن السویدی بیلن انرژی همکارلیگی گه تیگیشلی یول خریطه سی حقیده اوچره شگن لیگینی یازماقده. گزیته بیراقدارنینگ اجتماعی ترماق ایکس آرقه لی ترقه تگن پستیده السویدی بیلن پایتخت انقره ده اوچره شگن لیگینی معلوم قیلیب "انرژی ساحه سیده ینگی پروژه لر بیلن مناسبتلریمیزنی کوچه یتیریب، بیرگه لیکده منطقوی همکارلیگیمیزنی ایلگریگه آلیب باره میز " دیگن لیگینی یازماقده.
