تورکیه مطبوعاتیدن خلاصه لر 24.11.2023

ستار روزنامه سی, تورکیه جمهوریتی ملی مدافعه وزیرلیگی مطبوعات مشاوری جنرال ذکی آقتورک نینگ, توناون ترتیب له گن مطبوعاتی کنفرانسیده, تروریزم گه قرشی کوره ش نینگ اوزلوکسیز دوام ایتیاتگن لیگینی بیلدیررایکن, "عراق و سوریه نینگ شمالی داخل 59 نفری سونگّی بیر هفته ده بولگن شکلده 1- جنوری دن بیری 1927 نفر ترورچی یوق قیلیندی" دییه قید ایتگن لیگینی ایسلتماقده. 

صباح روزنامه سی, سوریه ده, ترور تشکیلاتی پ.ک.ک/وای پی جی تامانیدن خوفسیزلیک کوچلری گه قره ته اویوشتیریلگن هجوم لرده استفاده ایتیلگن قورال لر بوییچه مسئول بولگن ترور تشکیلاتی نینگ سوزده آغیر قورال و مدافعه صنایع سی مسئول لریدن بیری خیری سرحد لقبلی فخرالدین تولون نینگ, تورکیه جمهوریتی استخباراتی تامانیدن اویوشتیریلگن عملیاتده یوق قیلینگن لیگینی یازماقده. 

وطن روزنامه سی, تورک دینگیز کوچ لری تامانیدن ترتیب لنگن "شرقی آقدینگیز – 2023 تطبیقاتی" نینگ دوام ایتیاتگن لیگینی بیلدیرماقده. 

خبرده, آنتالیا کورفزی ده ترتیب لنگن اوشبو تطبیقاتده سناریو دایره سیده قوتقریش عملیاتیده دینگیز و همده قوریقلیکده حرکت قیله آله دیگن تورکیه تامانیدن ایشلب چیقریلگن زرهی هجوم واسطه سی دن ایلک مراتبه فایده له نیلگن لیگی گه دقت قره تیلماقده. 

حریت روزنامه سی, تورکیه جمهوریتی فرهنگ و توریزم وزیری محمد نوری ارسوی نینگ, تورکیه نینگ, "یونسکو دنیا لیستی" اعضالیگی گه سیلنگن لیگینی بیلدیرگن لیگی نی معلوم قیلماقده. 

خبرده, ارسوی نینگ اجتماعی ترماق آرقه لی توناون بیرگن بیاناتیده, "اولکه میز فرانسه پایتختی پاریسده بولیب اوتگن 24- طرف دولت لر عمومی کینگشی ییغیلیشیده کمیته اعضاسی ایتیب سیلندی" دییه قید ایتگن لیگی ایسله تیلماقده. 

خبرتورک روزنامه سی, اوتگن ییل نینگ خوددی شوو دوری بیلن سالیشتیریلگنده جاری ییل نینگ دستلبکی 10 آییده تورکیه نینگ سالمون بلیغی صادراتی نینگ 44 فایز گه آشیب 133 میلیون 220 مینگ 467 دالر گه ییتگن لیگینی معلوم قیلماقده. 

خبرده, تورکیه نینگ اینگ کوپ روسیه گه اوشبو بلیق توری نی صادر قیلیاتگن لیگی بیلدیریلماقده.