تورکیه مطبوعاتیدن خلاصه لر 23.11.2023
تورکیه مطبوعاتیده باسیلیب چیققن خبرلرنینگ خلاصه لری
وطن روزنامه سی, تورکیه جمهوریتی جمهوررئیسی رجب طیب اردوغان نینگ, انترنت آرقه لی اشتراک ایتگن جی 20 رهبر لر ییغیلیشیده قیلگن معروضه سیده, "غزه ده یوز بیریاتگن حادثه لر نی ایندی تحمل قیلیش ممکن ایمس. بو ییرده اوروش جرمی گه مرتکب بولینماقده و بشریت گه قرشی جنایت قیلینماقده. بیز هیچ بیر شکلده ملکی لر گه قره تیلگن حمله لرنی معصوم و مشروع دیب بهالنتیرمه یمیز" دییه قید ایتگن لیگینی ایسلتماقده.
خبرتورک روزنامه سی, تورکیه جمهوریتی تشقی ایشلر وزیری خاقان فیدان نینگ غزه ده گی اوتکینچی آتشکیسین حقیده بیرگن بیاناتیده, "آلتی هفته دن آرتیق بیر مدت دن بیری اسرائیل هجوم لری نینگ دوام ایتگن غزه ده اوتکینچی بیر آتشکیسین بوییچه کیلیشلیب آلینگن لیگینی ایجابی اوله راق بهالنتیرماقده میز" دییه قید ایتگن لیگینی بیلدیرماقده.
حریت روزنامه سی, تورکیه جمهوریتی جمهوررئیس اورینباسری جودت ییلماز نینگ, "حاضرگی کونده ساتیب آلیش کوچی تینگ لیگی گه کوره 11- اینگ کوچلی اقتصاد دن عبارت ایکن, عموماً آلیب قره گنده ایسه 17- اورین نی ایگلله ماقده میز" دییه قید ایتگن لیگینی معلوم قیلماقده.
صباح روزنامه سی, اروپا قوریلیش و رواجله نیش بانکی باشلیغی اودیل رنو- باسو نینگ, تورکیه ده گی سرمایه گذارلیک لری نینگ هردایم کوپ مقدارده ایکن لیگینی معلوم قیلرایکن, جاری ییلده گی سرمایه گذارلیک لری نینگ 2,5 میلیارد یورو دن آشه دیگن لیگینی ایسله تیب اوتگن لیگینی بیلدیرماقده.
خبرده, رنو- باسو نینگ, تورکیه نینگ اوشبو بانک نینگ اینگ کوپ سرمایه گذارلیک قیلگن اولکه گه ایلنگن لیگی نی بیلدیرگن لیگی ایسله تیلماقده.
ینی شفق روزنامه سی, آقدینگیز توریستیک هوتلچی لر بیرلیگی نینگ باشلیغی قاآن قاوال اوغلی نینگ, توریزم بوییچه ریزویشن لرنینگ 2024- ییل اوچون جوده یخشی باشله گن لیگینی معلوم قیلرایکن, "ایلک ریزرویشن انگلیس لردن و ایکّینچی سی ایسه آلمان دن کیلماقده. میلادی 2023- ییل بیلن سالیشتیریلگنده وقتی دن آلدین ریزرویشن نینگ 20 فایز گه آشگن لیگی کورینماقده" دییه قید ایتگن لیگینی یازماقده.
