تورکیه مطبوعاتیدن خلاصه لر 07.11.2023

خبرتورک روزنامه سی, تورکیه جمهوریتی تشقی ایشلر وزیری خاقان فیدان نینگ, انقره گه کیلگن امریکا قوشمه ایالتلری تشقی ایشلر وزیری آنتونی بلینکن بیلن اوچره شگن لیگینی بیلدیرماقده. 

خبرده, فیدان نینگ بلینکن گه, اسرائیل نینگ غزه ده عادی اهالی نی هدف قیلیب آلیشی نینگ آلدی نینگ آلینیشی و زودلیک بیلن انیق آتشکیسین نینگ اعلان ایتیلیشی کیره ک ایکن لیگینی بیلدیرگن لیگی معلوم قیلینماقده.

وطن روزنامه سی, تشقی ایشلر وزیری فیدان نینگ, انقره ده کوتیب آلگن کسبداشی بلینکن بیلن 150 دقیقه صحبت قیلیشی آرتیدن اورتاق مطبوعاتی کنفرانس ترتیب له مه گن لیگینی یازماقده. 

خبرده, بلینکن نینگ فیدان بیلن قوچاقله شیب کوریشماقچی بولگن لیگی, لیکن فیدان نینگ اوزاق تورگن لیگی معلوم قیلینماقده. 

حریت روزنامه سی, جهان نشرات ارگان لری نینگ انقره ده بولیب اوتگن بلینکن بیلن فیدان اورته سیده گی اوچره شوو گه کینگ اورین اجره تگن لیگینی ایسلتماقده.

خبرده, الجزیره تلویزیونی نینگ, "بلینکن نینگ اساسی وظیفه سی اسرائیل گه ینه ده کوپراق وقت کسب ایتدیریش دن عبارت ایدی. تورک لر بونی بیله دی.  شوباعث بلینکن نی قیزغین کوتیب آلمه دی" دیگن لیگی ایسله تیلماقده. 

روزنامه, انگلیس روزنامه سی دن عبارت گاردین نینگ هم, "بلینکن تورکیه ده جوده یخشی کوتیب آلینمه دی" دییه قید ایتگن لیگینی یازماقده. 

ینی شفق روزنامه سی, تورکیه جمهوریتی جمهوررئیسلیک علاقه باشقرمه سی نینگ باشلیغی فخرالدین آلتون نینگ, اسرائیل مطبوعاتی نینگ, اونی و جمهوررئیس رجب طیب اردوغان نی هدف قیلیب آلگن لیگی گه قتتیق عکس العمل کورستگن لیگینی بیلدیرماقده. 

خبرده, آلتون نینگ, "تورکیه نینگ عدالت و حقیقت گه طرفدارلیک بیلدیریاتگن سیاستی دن بعضی تامان لرنینگ راحتسیز بولگن لیگینی کورماقده میز. لیکن بیز کیم مخالفت قیلسه هم, غزه ده گی قیرغین نینگ توخته تیلیشی اوچون قولیمیزدن کیلگن برچه سعی و حرکت لرنی قیلیش گه دوام ایته میز" دییه قید ایتگن لیگی معلوم قیلینماقده. 

ستار روزنامه سی, اوتگن ییل نینگ خوددی شوو دوری بیلن سالشتیریلگنده تورکیه نینگ جاری ییل اوکتوبر آییده صادرات میزانی نینگ 7,4 فایز گه آشیب 22 میلیارد 900 میلیون دالر گه کوتریلیب کیتگن لیگینی یازماقده. 

خبرده, شونده ی قیلیب تورکیه نینگ تاریخی نینگ اینگ یوقاری اوکتوبر آیی صادرات رقمی گه ایگه بولگن لیگی ایسله تیلماقده.