تورکیه مطبوعاتیدن خلاصه لر 06.11.2023

ستار روزنامه سی, تورکیه جمهوریتی جمهوررئیسی رجب طیب اردوغان نینگ, "فلسطینلیک قرداش لری میز نینگ اسرائیل نینگ ظلمی دن قوتقریلیشی و غزه ده دنیا قره ب تورگن حالده قیلینیاتگن قیرغین لرنینگ توخته تیلیشی بوییچه مسئولیتی میز بار.  غزه ده گی قرداش لری میزنی هیچ بیر شکلده یالغوز و چاره سیز تشلب کیتمه یمیز" دییه قید ایتگن لیگینی بیلدیرماقده. 

ینی شفق روزنامه سی, تورکیه جمهوریتی ساغلیق نی سقلش وزیری فخرالدین کوجه نینگ, "غزه ده گی تورکیه- فلسطین دوستلیک کسلخانه سیده تداوی ایتیلیاتگن سرطان کسل لری داخل آلدین بیزگه بیلدیریلگن و عاجل تداوی ایتیلیشی کیره ک بولگن 1000 گه یقین کسل و زخمی نینگ, رفح چیگره دروازه سی آرقه لی مصر گه کیلتیریلیشی اوچون سعی و حرکت لری میز دوام ایتماقده.  کیین, سرطان کسل لری و ساغلیق وضعیتی جوده یمان بولگن کیشیلرنینگ امبولانس اوچاق لر و کیمه کسلخانه سی بیلن اولکه میز گه کیلتیریلیشی ریجه لنماقده" دییه قید ایتگن لیگینی معلوم قیلماقده. 

صباح روزنامه سی, "8 ولایتده تروریزم گه قتتیق ضربه اوریلدی" عنوانی بیلن بیرگن بیر خبریده, تورکیه جمهوریتی ایچکی ایشلر وزیری علی ییرلی قایه نینگ, 8 ولایتده اویوشتیریلگن "قهرمان لر عملیاتی" دایره سیده ترور تشکیلاتی پ.ک.ک گه عاید 21 مغاره و لانه نینگ ویران قیلینگن لیگینی بیلدیرگن لیگینی ایسلتماقده. 

وطن روزنامه سی, تورک شرکتی بایکار تامانیدن ایشلب چیقاریلگن بیرقدار تی بی 3 اوچووچیسیز قوراللی اوچاق لرنینگ, مرمره منطقه سیده باشله گن و بیر ساعتده 130 کیلومتر تیزلیککه ایگه توفان شرایطیده 5 ساعتلیک 3- اوچیش تستی دن موفقیت بیلن اوتگن لیگینی یازماقده. 

خبرتورک روزنامه سی, تورکیه جمهوریتی مدنیت و توریزم وزیری محمد نوری ارسوی نینگ, جاری ییلده تورکیه نینگ آنتالیا ولایتی گه کیلگن توریست سانی نینگ 15 میلیون نفر دن آشگن لیگینی بیلدیرگن لیگینی معلوم قیلماقده.