تورکیه مطبوعاتیدن خلاصه لر 23.10.2023

خبرتورک روزنامه سی, تورکیه دن غزه گه یوباریلگن ادویه و طبی مواد تشووچی و ایچیده 20 نفر داکتر نینگ هم موجود بولگن تورکیه جمهوریتی جمهوررئیسلیگی گه باغلیق اوچاق نینگ مصر گه باریب قونگن لیگینی بیلدیرماقده. 

صباح روزنامه سی, تورکیه جمهوریتی تجارت وزیری عمر بولات نینگ, توناون بیرگن بیاناتیده, تورکیه نینگ میلادی 2053- ییلده دنیا ده اقتصادی جهت دن کوچلی بولگن ایلک 10 و ساتیش کوچی تینگ لیگی گه کوره ایسه دستلبکی 5 اقتصادی کوچ آره سیده اورین آلیشی نی هدف قیلیب آلگن لیک لرینی بیلدیرگن لیگینی یازماقده. 

ستار روزنامه سی, قورال ساتیب آلینیشی بوییچه اینگ یخشی گزینه نینگ تورکیه دن عبارت ایکن لیگینی بیلدیرگن نایجریا مطبوعاتی نینگ, تورکیه ده ایشلب چیقریلگن قیزیل المه و ATAK حقیده سوز یوریتیب نایجریا حکومتی نینگ ATAK تیک اوچر لری نینگ ساتیب آلینیشی بوییچه کیلیشیب آلیشی نینگ کوتیلیاتگن لیگینی بیلدیرگن لیگی گه دقت قره تماقده. 

ینی شفق روزنامه سی, میلادی 2022- ییل نینگ خوددی شوو دوری بیلن سالشتیریلگنده جاری ییل نینگ دستلبکی 9 آییده تورکیه نینگ ماشین سازلیک بوییچه صادراتی نینگ 10,1 فایز گه آشیب 21 میلیارد دالر گه کوتریلیب کیتگن لیگینی ایسلتماقده. 

خبرده, تورکیه نینگ اوشبو محصولاتی نینگ اینگ کوپ آلمان, روسیه و امریکا قوشمه ایالتلری گه صادر قیلینگن لیگی گه دقت قره تیلماقده.