تورکیه مطبوعاتیدن خلاصه لر 18.10.2023

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, اسرائیل نینگ کسلخانه گه قره تیلگن هجومی بیلن علاقه لی بیرگن بیاناتیده, "ایچیده عیال لر, باله لر و معصوم عادی اهالی نینگ موجود بولگن بیر کسلخانه نی بمباردمان قیلیش, اسرائیل نینگ اینگ اساسی انسانلیک ارزش لری گه اهمیت بیرمه یاتگن هجوم لری نینگ سونگّی مثالی دن عبارت.  غزه ده یوز بیرگن و تاریخده مثالی کورینمه گن بو وحشت نی توخته تیش اوچون انسانیت نی سعی و حرکت قیلیش گه چقیره من" دییه قید ایتگن لیگینی بیلدیرماقده. 

صباح روزنامه سی, تورکیه جمهوریتی تشقی ایش لر وزیری خاقان فیدان نینگ اسرائیل نی قتتیق آگاهلنتیرگن لیگی نی یازماقده. 

خبرده, فیدان نینگ اسرائیل نینگ هجوملری گه قتتیق عکس العمل کورسه ترایکن, "بیری نینگ توپراغینی اشغال قیله سیز. اویی نی آلیب قویه سیز,  تشقری گه هیده ب یوباره سیز, بیری نی آلیب باریب او ییرگه جایلشتیره سیز, کیین 'ناقل' دیب اته یسیز. بو نینگ آتی حقسیزلیک دن عبارت" دییه قید ایتگن لیگی گه دقت قره تیلماقده. 

ستار روزنامه سی, عدالت و رواجله نیش حزبی نینگ سوزچیسی عمر چلیک نینگ, اسرائیل نینگ غزه ده احتمالی بیر قوریقلیک عملیاتی نینگ, مینگلب معصوم باله و عیال نینگ حیاتینی یوقاتیشی و بشریت نینگ اویه له دیگن بیر فاجعه گه سبب بوله دیگن لیگینی بیلدیرگن لیگینی ایسلتماقده. 

حریت روزنامه سی, تورکیه جمهوریتی عیال ملی سپورتچیسی شاهقه ارجمن نینگ, جمهوریت نینگ 100- ییلی مناسبتی بیلن تورکیه نینگ هتای ولایتیده یوزیشده فایده له نیله دیگن تکنالوژیک امکانیت لر بولمسدن دینگیزده 106 متر سوو نینگ تگی گه کیرگن لیگینی معلوم قیلماقده. 

خبرده, آلدین لینا بالته نینگ 105 متر گه قدر سوو نینگ تگی گه کیرگن لیگی معلوم قیلینرایکن, شاهقه نینگ 106 متر بیلن اوشبو ساحه ده دنیا ده رکورد اورنتگن لیگی بیلدیریلماقده. 

ینی شفق روزنامه سی, هواچیلیک بوییچه خلق ارا کتته شرکت باشقروچی لری نینگ, استانبول هوا قونلغه سی میزبانلیگیده بولیب اوتگن بیر کنفرانس گه اشتراک قیلگن لیگینی یازماقده. 

خبرده, اوشبو دایره ده 600 گه یقین هوا قونلغه سی شرکتی و 1200 دن آرتیق اشتراکچی نینگ همکارلیک امکانیت لری حقیده گپیرگن لیگی ایسله تیلماقده.