تورکیه مطبوعاتیدن خلاصه لر 17.10.2023

ستار روزنامه سی, تورکیه جمهوریتی جمهوررئیسی رجب طیب اردوغان نینگ, توناون, تلفن آرقه لی, ایران جمهوررئیسی ابراهیم رئیسی, انگلستان باش وزیری ریشی سوناک و یونان باش وزیری کیریاکوس میچوتاکیس بیلن سوزله شگن لیگینی معلوم قیلماقده. 

خبرده, ابراهیم رئیسی بیلن بولیب اوتگن صحبتیده, اورته شرقده بحران نی آرتیروچی قدم لر نینگ تشلنمس لیگی کیره ک ایکن لیگینی بیلدیرگن جمهوررئیس اردوغان نینگ, سوناک گه ایسه اوزاق ییللردن بیری فلسطین گه وعده بیریلگن لیگی گه قره مسدن بجا کیلتیریلمه گن وعده لرنینگ ایسله نیشی و اوشبو توغریده عملی اقدام قیلینیشی نینگ مهم ایکن لیگینی ایسلتگن لیگی معلوم قیلینماقده. 

روزنامه, جمهوررئیس اردوغان نینگ, میچوتاکیس بیلن بولیب اوتگن صحبتیده ایسه انسان حق لری اخلال لری نینگ توخته تیلیشی اوچون سعی و حرکت قیلیب دنیا گه اوشبو جهتده پیام بیریش کیره ک ایکن لیگی نی ایسله تیب عکس العمل نی آرتیروچی ایمس, بلکه آزه یتیروچی قدم لرنینگ زودلیک بیلن تشله نیشی نینگ یخشی بیر سیاست دن عبارت بوله دیگن لیگینی بیلدیرگن لیگی نی یازماقده. 

صباح روزنامه سی, تورکیه جمهوریتی تشقی ایشلر وزیری خاقان فیدان نینگ, اسرائیل- فلسطین اوروشی نینگ باشله شی آرتیدن آلیب باریاتگن جدی دیپلماتیک فعالیت لری نی دوام ایتدیریاتگن لیگی گه دقت قره تماقده. 

خبرده, فیدان نینگ اوشبو دایره ده, تلفن آرقه لی, حماس رهبری اسماعیل هنیه بیلن سوزلشگن لیگی ایسله تیلماقده. 

روزنامه, اوشبو صحبتده ملکی لر نینگ قوییب یوباریلیشی حقیده سوز یوریتیلگن لیگینی بیلدیرماقده. 

حریت روزنامه سی, عدالت و رواجله نیش حزبی نینگ سوزچیسی عمر چلیک نینگ, غرب حکومت لری نینگ اسرائیل- غزه حادثه لری بوییچه سیاست لری نی تنقید قیلگن لیگینی یازماقده. 

خبرده, چلیک نینگ, "کوپلب غربی اولکه لرده فلسطین نینگ قوللب- قوتله نیشی بوییچه نمایش لر گه میدان لر و عالی بیلیم یورت لریده اجازت بیریلمه گن لیگی, بعضی لرنینگ اوز جرم لرینی یاپیب قوییش بوییچه تشبث دن عبارت.  حتی باله لرنینگ اولیمی حقیده هم اوزی گه خاص بیر عدالت بیلن گپیریاتگن لرنینگ عدالت توغریسیده گپیره دیگن گپ لری یوق" دییه قید ایتگن لیگی معلوم قیلینماقده. 

وطن روزنامه سی, تورکیه جمهوریتی پارلمانی نینگ باشلیغی نعمان قورتولموش نینگ, میلادی 1967- ییلی چیگره لریده, مستقل و پایتختی بیت المقدس دن عبارت بولگن بیر فلسطین دولتی نینگ قوریلیشی اوچون فعالیت یوریتیلیشی کیره ک ایکن لیگینی بیلدیررایکن, "فقط گینه کاغذ گه یازیلگن, محله محله بولینیب قالگن بیر فلسطین ایمس, بلکه ارضی تمامیتی تامین ایتیلگن بیر فلسطین نینگ قوریلیشی اسلام عالمی نینگ اینگ اساسی وظیفه لریدن بیری بولگن لیگی دیک, اورته شرق تینچلیگی نینگ هم اینگ مهم شرط لریدن بیری نی تشکیل ایتماقده" دییه قید ایتگن لیگی نی یازماقده. 

خبرتورک روزنامه سی, تورکیه جمهوریتی ترانسپورت و زیربنا وزیری عبدالقادر اور اوغلی نینگ, توناون بیرگن بیاناتیده, تورکسات 6 ای نینگ حاضرگی کون گه قدر بولگن برچه تست لردن موفقیت بیلن اوتگن لیگینی بیلدیررایکن, اوز سوز لرینی, "ینگی ستلایتی میز تورکسات 6 ای, میلادی 2024- ییل جون آییده فضا گه یوباریله دی" شکلیده دوام ایتدیرگن لیگینی ایسلتماقده.