تورکیه مطبوعاتیدن خلاصه لر 16.10.2023

صباح روزنامه سی, تورکیه جمهوریتی تشقی ایشلر وزیری خاقان فیدان نینگ, تلفن آرقه لی, امریکا قوشمه ایالتلری تشقی ایشلر وزیری آنتونی بلینکن بیلن سوزلشگن لیگینی معلوم قیلماقده. 

خبرده, اوشبو صحبتده, اسرائیل بیلن حماس اورته سیده باشله گن توقنه شوو لر و غزه ده گی بشری وضعیت حقیده سوز یوریتیلگن لیگی ایسله تیلماقده. 

حریت روزنامه سی, تورکیه دینگیز کوچلری نینگ, شرقی آقدینگیزده عملی فَیر تعلیمی نینگ بوله دیگن لیگی سببلی دینگیزچی لرنی خبردار قیلگن لیگینی یازماقده. 

خبرده, اوشبو تعلیم فعالیتی نینگ 16- و 20- اوکتوبر کون لری آره سیده بولیب اوته دیگن لیگی گه دقت قره تیلماقده. 

ستار روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, محصولات نی بصره کورفزی دن اروپا گه ییتکزه دیگن رواجله نیش یولی پروژه سی بوییچه تورکیه, عراق, بیرلشگن عرب امیرلیک لری و قطر نینگ همفکر ایکن لیگینی معلوم قیلگن لیگینی بیلدیرماقده. 

خبرده, اورال اوغلی نینگ, سعودی عربستان نینگ, "سیز باشلنگ بیز هم قوشیله میز" دیگنی نی بیلدیرگن لیگی گه دقت قره تیلماقده. 

ینی شفق روزنامه سی, آذربایجان جمهوررئیسی الهام علی اف نینگ, آذربایجان اردوسی نینگ کنترولی گه اوتگن آغدره شهری و سرسنگ بندی کولی نی کوریب چیققن لیگینی یازماقده. 

خبرده, علی اف نینگ, بو ییر گه آذربایجان بیراغی نی آسگن لیگی ایسله تیلماقده. 

روزنامه, آذربایجان نینگ قره باغده ترورچی لر گه قرشی اویوشتیرگن عملیاتی نینگ 24 ساعتده غلبه گه سبب بولیشی آرتیدن اوشبو منطقه نینگ ارمنی شبکه لر دن تصفیه ایتیلگن لیگینی معلوم قیلماقده. 

خبرتورک روزنامه سی, 2024 اروپا فوتبال قهرمانلیک تیرمه لری D گروپی 7- مسابقه سیده لتونیا نی 4 گه صفر مغلوب قیلگن تورکیه A ملی فوتبال تیمی نینگ, آلمانده بولیب اوته دیگن تورنمنتده کوره شیش حقی گه ایگه بولگن لیگی گه دقت قره تماقده.