تورکیه مطبوعاتیدن خلاصه لر 12.10.2023

صباح روزنامه سی, تورکیه جمهوریتی جمهوررئیسی رجب طیب اردوغان نینگ, بیر نیچه کوندن بیری غزه نواری نی بمباردمان قیلیاتگن اسرائیل گه قتتیق عکس العمل کورسه ترایکن, "بیر شهر نینگ سووی و برقی نی قولیدن آلیب قوییب, انسان لرنینگ کیریب چیقیشی نینگ آلدی نی آلیب, مسجد لر و کلیسا لردن عبارت عبادتگاه لرنی بوزیب, ایچیده عادی اهالی نینگ یشیاتگن بنالرنی اوریب ییر بیلن یکسان قلیب آلیب باریلیاتگن اوروش, اوروش ایمس بلکه قیرغین دن عبارت.  عادی اهالی نی عمداً اولدیریش و بشری یاردم لرنینگ منطقه گه ییتیب باریشی نی توسیب قوییش بیر دولت نینگ ایمس بلکه بیر سازمان نینگ ایشی دن عبارت بولیشی ممکن. اسرائیل نینگ بیر دولت سنگری ایمس, بلکه بیر سازمان شکلیده حرکت قیلیشی تقدیرده, بیر سازمان کبی رویه گه دوچ کیلیب قاله دیگن لیگی نی ایسدن چیقرمس لیگی کیره ک" دییه قید ایتگن لیگینی یازماقده. 

ینی شفق روزنامه سی, جمهوررئیس اردوغان نینگ, عراق و سوریه نینگ شمالیده گی هوا عملیات لری حقیده گپیررایکن, "معلوم بیر مدت دن بیری آلیب باریلیاتگن هوا عملیاتلری نی؛ ینه ده آرتیریب, ترور تشکیلاتی منسوب لرینی هر وقت, هر ییرده یوق قیله دیگن لیگی میز نی کورسه تیب دوام ایتدیره میز" دییه قید ایتگن لیگینی بیلدیرماقده. 

ستار روزنامه سی, اسرائیل گه سفر قیله دیگن لوکس کیمه لرنینگ, اسرائیل- فلسطین اوروشی سببلی یوزی نی تورکیه بندر لری تامان اوگیره باشله گن لیگینی ایسلتماقده. 

حریت روزنامه سی, تورکیه جمهوریتی مدنیت و توریزم وزیری محمد نوری ارسوی نینگ, سویس دن ایلک تاریخی اثرلر نینگ قیتریب آلینیشی بیلن علاقه لی بیرگن بیاناتیده, "37 تاریخی اثری میز اوز دیاری گه قیتیب کیله دی" دییه قید ایتگن لیگینی یازماقده. 

خبرتورک روزنامه سی, تورکیه جمهوریتی عدلیه وزیرلیگی نینگ ینگی عدلی اوتمیش بیلگی تیزیمی آرقه لی جاری ییلده 40 خارجی تیلده 519 مینگ 347 عدلی اوتمیش حجتی نینگ بیریلگن لیگینی بیلدیرماقده. 

خبرده, اوشبو حجت لرنینگ اینگ کوپ انگلیس, آلمان و فرانسه تیل لریده آلینگن لیگی معلوم قیلینماقده.