تورکیه مطبوعاتیدن خلاصه لر 11.10.2023

صباح روزنامه سی, تورکیه جمهوریتی جمهوررئیسی رجب طیب اردوغان نینگ, اسرائیل بیلن حماس اورته سیده تینچلیک نینگ اورنه تیلیشی اوچون منطقه ده گی اکتور لرنی مسئولیت آلیش گه چقیرگن لیگینی بیلدیرماقده.

خبرده, اردوغان نینگ, "غزه حاضر شفقتسیزلرچه بمباردمان قیلینماقده.  نهایی ییچیم یولی پایتختی بیت المقدس بولگن مستقل بیر فلسطین دولتی نینگ قوریلیشی دن عبارت" دییه قید ایتگن لیگی ایسله تیلماقده. 

ستار روزنامه سی, تورکیه جمهوریتی پارلمانی باشلیغی نعمان قورتولموش نینگ, اسرائیل بیلن فلسطینلیک قوراللی گروپ لر اورته سیده گی توقنه شوو لر بیلن علاقه لی بیرگن بیاناتیده, "اوشبو توقنه شوو لر, میلادی 1948- ییلدن بیری دوام ایتگن, دواملی حقسیزلیک لر بیلن سوغاریلگن, میلادی 1967- ییلدن کیین الحاق, اشغال و ینگی ناقل لر بیلن فلسطین نی یوق قیلیب قوییش مفکوره سی نینگ نتیجه سی نینگ سونگّی نقطه سیدن عبارت" دییه قید ایتگن لیگی نی یازماقده. 

وطن روزنامه سی, تورکیه جمهوریتی خزانه و مالیه وزیری محمد شمشک نینگ, اسرائیل- فلسطین اوروشی نینگ تورکیه گه قنده ی تاثیر قالدیره دیگن لیگی بوییچه سئوال گه جواب قیترگن لیگینی معلوم قیلماقده. 

خبرده, شمشک نینگ, "تورکیه ظرفیتی کینگ بولگن بیر اولکه.  تورکیه سرانه عایدی 10 مینگ دالر دن آرتیق بولگن دنیا ده گی 7 اولکه دن بیری.  اقتصادی کوچلی, شوباعث قیزیقیش هم کتته"  دییه قید ایتگن لیگی یازیلماقده. 

خبرتورک روزنامه سی, خلق ارا پول فوندی (آی ام اف) نینگ بین المللی مقیاسده اقتصادی کوچ نینگ جاری ییلده 3 فایز گه آشه دیگن لیگینی بیلدیررایکن, کیلگوسی ییل بیلن علاقه لی تخمینی نی ایسه 2,9 فایز گه توشیرگن لیگینی بیلدیرماقده. 

خبرده, آی ام اف نینگ, تورکیه نینگ جاری ییلده اقتصادی کوچی نینگ 3 فایز ایمس, بلکه 4 فایز گه آشه دیگن لیگینی بیلدیررایکن, کیلگوسی ییل بیلن علاقه لی تخمینی ایسه 2,8 دن 3,25 فایز گه آرتیرگن لیگی ایسله تیلماقده. 

حریت روزنامه سی, اروپا فوتبال فدراسیون لری بیرلیگی (یوایفا) نینگ, تاریخی مژده نی رسمی اوله راق اعلان قیلگن لیگینی یازماقده. 

خبرده, 2032 اروپا فوتبال قهرمانلیک مسابقه لری (یورو 2032) گه تورکیه و ایتالیا نینگ میزبانلیک قیله دیگن لیگی بیلدیریلماقده.