تورکیه نینگ مطبوعات خلاصه لری

خبرتورک گزیته سی "ایردوغان فلسطین دولت باشلیغی محمود عباس و حماس باشلیغی اسماعیل هنیه بیلن اوچره شدی سرلوحه سی بیلن خبر بیره دی.   

خبرگه کوره تورکیه جمهوریتی جمهور باشلیغی رجب طیب ایردوغان تورکیه گه رسمی سفر آرقه لی تشریف بیورگن فلسطین دولت باشلیغی محمود عباس و حماس سیاسی دفتری باشلیغی اسماعیل هنیه بیلن پایتخت انقره ده اوچره شدی.

صباح گزیته سی: " ایردوغان چین تشقی ایشلر وزیرینی قبول قیلیب اوچره شدی " سرلوحه سی بیلن خبر بیره دی.

خبرگه کوره جمهور باشلیغی رجب طیب ایردوغان چین کمونیست حزبی مرکز کمیته سی اعضاسی، تشقی ایشلر مرکز کمیسیونی باشلیغی و تشقی ایشلر وزیری وانگ یی نی جمهور رئیسلیک مجتمعیده قبول قیلیب اوچره شدی.

ستار گزیته سی: "تشقی ایشلر وزیرلیگی: بیرلشگن ملتلر تشکیلاتی نینگ مقدس کتابلر بیلن تیگیشلی قرارینی ممنونیت بیلن کوتیب آله میز " سرلوحه سی بیلن خبر بیره دی.

خبرگه کوره تشقی ایشلر وزیرلیگی بیرلشگن ملتلر تشکیلاتی نینگ عمومی جلسه سیده مقدس کتابلر بیلن تیگیشلی خشونت نی خلق ارا حقوق نینگ اخلالی ایتیب تن آلگن و بو کبی حرکتلرنی قتّیق قاره لاوچی قرارینی ممنونیت بیلن کوتیب آلدی.  

وطن گزیته سی: "تورکیه بیلن تاجکستان اورته سیده حربی مالی همکارلیک کیلیشووی" سرلوحه سی بیلن خبر بیره دی.

خبرگه کوره اوزارا اوچره شوولرده آلیب باریلگن خلق ارا مدافعه صنایعیده تورکیه بیلن تاجکستان اورته سیده مالی همکارلیک کیلیشووی بیلن نقدی یاردم بیتیمی گه قول قوییلدی. بیتیم گه ملی مدافعه وزیری یشر گولر و تاجکستان مدافعه وزیری جنرال شیرعلی میزرا قول قویدی. 

حریت گزیته سی: "شریکلیک کیلیشووی 100 مینگ کیشی گه استخدام بوله دی" سرلوحه سی بیلن خبر بیره دی.

خبرگه کوره بیرلشگن عرب امیرلیکلری نینگ انقره بویوک ایلچیسی سعید ثانی الظاهری 1 سپتامبرده عملی بولیب باشله یدیگن تورکیه – بیرلشگن عرب امیرلیکلری کینگ اقتصادی شریکلیک کیلیشووی بیلن تورکیه ده 100 مینگ کیشی گه استخدام بولیشینی ایتدی.