تورکیه مطبوعاتیدن خلاصه لر 19.07.2023
تورکیه مطبوعاتیده باسیلیب چیققن خبر لرنینگ خلاصه لری
صباح روزنامه سی, تورکیه جمهوریتی جمهوررئیسی رجب طیب اردوغان نینگ ایریم اوچره شوو لر اوتکزیش اوچون رسمی بیر سفر بیلن تشریف بویورگن قطرده تورکیه بیلن قطر اورته سیده دیپلماتیک مناسبت لرنینگ قوریلگن لیگی نینگ 50 ییللیگی مناسبتی بیلن اورتاق بیلدیرو امضالنگن لیگینی بیلدیرماقده.
خبرده, تورکیه بیلن قطر اورته سیده گی کوچلی مناسبت لر گه دقت قره تیلگن بیلدیروده همکارلیک و قرداشلیک موضوعی نینگ اورغولنگن لیگی معلوم قیلینماقده.
روزنامه, اوشبو بیلدیروده همکارلیک نی کوچه یتیریش مقصدی بیلن تقریباً 100 حجت نینگ امضالنگن لیگی نینگ بیلدیریلگن لیگینی یازماقده.
خبرتورک روزنامه سی, تورکیه جمهوریتی صنایع و تکنالوژی وزیری محمد فاتح قاجیر نینگ, سعودی عربستان ولیعهد شهزاده سی محمد بن سلمان گه تورکیه ده ایشلب چیقریلگن موتر دن عبارت توگ نینگ ساوغه قیلینگن لیگی بیلن علاقه لی اجتماعی ترماق آرقه لی بیانات بیرگن لیگینی معلوم قیلماقده.
خبرده, قاجیر نینگ اوشبو بیاناتیده, "حرمتلی جمهورئیسی میز نینگ طلبی گه بناً ساوغه قیلینگن توگ نی سعودی عربستان ولیعهد شهزاده سی حرمتلی محمد بن سلمان نینگ اوزی هیده دی. حرمتلی ولیعهد شهزاده نینگ موتر نی هیده یاتگن پیتده گی مقتاو لری اولکه میز و تورک انجنیر لری اوچون افتخار ایدی" دییه قید ایتگن لیگی بیلدیریلماقده.
ستار روزنامه سی, تورکیه نینگ شرکتی دن عبارت بیرقدار بیلن سعودی عربستان مدافه وزیرلیگی اورته سیده بیرقدار آقینجی تعرض هوا واسطه لری صادراتی و همکارلیک کیلیشووی امضالنگن لیگینی بیلدیرماقده.
خبرده, اوشبو هوا واسطه لری نینگ سعودی عربستان قراللیک هوا و دینگیز کوچلری قوماندان لیگیده وظیفه اجرا قیله دیگن لیگی ایسله تیلماقده.
ینی شفق روزنامه سی, تورکیه نینگ جاری ییل نینگ دستلبکی آلتی آییده سعودی عربستان گه 1 میلیارد دالر دن آرتیق صادرات قیلگن لیگینی معلوم قیلماقده.
خبرده, اوشبو دور نینگ اوزیده اینگ کوپ قالین صادر قیلینگن لیگی بیلدیریلماقده.
حریت روزنامه سی, تورکیه جمهوریتی تجارت وزیرلیگی نینگ, تورکیه و بریتانیا نینگ تجارت اورتاقلیگی نینگ اوزگرتیریلیب, کینگ کولملی ایرکین تجارت کیلیشووی اوچون مذاکره لر گه باشله گن لیگینی ایسلتماقده.
