تورکیه مطبوعاتیدن خلاصه لر 17.07.2023

ستار روزنامه سی, اژه ده گی دینگیز کوچلری نینگ موجودیتی گه دقت قره تگن یونان روزنامه سی نینگ, تورک مدافعه صنایع سی رواجلنگن سری اوز لری نی رواجلنتیریش گه مجبور بولیب قالگن لیک لرینی بیلدیررایکن, "تورکیه, هیداوچیسیز تعرض کیمه لرینی ایشلب چیقرگن لیگی سببلی ینگی شرایط پیدا بولماقده" دییه قید ایتگن لیگینی یازماقده. 

صباح روزنامه سی, کوسووا باش وزیری آلبین کورتی نینگ, تورکیه دن ساتیب آلینگن بیرقدار تی بی 2 قوراللی اوچووچیسیز اوچاق لرنینگ کوسووا گه ییتیب بارگن لیگینی بیلدیرگن لیگی گه دقت قره تماقده. 

خبرده, کورتی نینگ بیرقدار تی بی 2 قوراللی اوچووچیسیز اوچاق لرنینگ عکس لری نینگ اورین آلگن اجتماعی ترماق آرقه لی ترقه تیلگن پیامیده "ایندی کوسووا نینگ امنیتی ینه ده یخشیراق" دییه قید ایتگن لیگی ایسله تیلماقده. 

خبرتورک روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, "اوتگن ییل نینگ خوددی شوو دوری بیلن سالشتیریلگنده میلادی 2023- ییل نینگ دستلبکی 6 آییده تورکیه بندر لری گه کیلگن کتته کیمه لر سانی 32,5 فایز گه آشیب 420 ته و یولاوچی سانی هم 88,8 فایز گه آشیب 482 مینگ 925 نفر گه ییتدی" دییه قید ایتگن لیگی نی معلوم قیلماقده. 

ینی روزنامه سی, تورکیه نینگ, روسیه گه اینگ کوپ صادرات قیلیاتگن اولکه لر قطاریده ایکّینچی اورین گه ایگه بولگن لیگینی بیلدیرماقده. 

خبرده, امریکا قوشمه ایالتلری و اروپا تامانیدن تحریم تطبیق ایتیلیاتگن روسیه ده تشکیل بولگن بازار بوش لیگی نی فرصت گه ایلنتیرگن تورکیه نینگ, جاری ییل نینگ دستلبکی 6 آییده روسیه گه صادرات میزانی نی 88,6 فایز گه آشیریب 2 میلیارد 574 میلیون دالر دن 4 میلیارد 854 میلیون دالر گه کوترگن لیگی گه دقت قره تماقده. 

حریت روزنامه سی, تورک اوقووچی لرنینگ, جاپانده بولیب اوتگن خلق ارا ریاضی المپیاد لریده 1 آلتین و 5 کومیش مدال کسب ایتگن لیکلرینی معلوم قیلماقده. 

خبرده, بیرلشگن عرب امیرلیکلریده بولیب اوتگن خلق ارا بیولوژی المپیاد لریده ایسه تورک اوقووچی لرنینگ 3 کومیش و 1 برونز مدال کسب ایتگن لیکلری ایسله تیلماقده.