تورکیه مطبوعاتیدن خلاصه لر 16.06.2023

خبرتورک روزنامه سی, سویس نینگ انقره ایلچیسی ژان دانیل روخ نینگ, زوریخ شهریده ترور تشکیلاتی پ.ک.ک طرفدارلری نینگ جمهوررئیس رجب طیب اردوغان گه قره تیلگن تحریک ایتووچی نمایشی آرتیدن تورکیه جمهوریتی تشقی ایش لر وزیرلیگی گه چقیریلگن لیگینی بیلدیرماقده. 

خبرده, ایلچی گه جمهوررئیس اردوغان گه قره تیلگن اوشبو حرکت نینگ هیچ بیر شکلده قبول ایتیلیشی نینگ ممکن ایمس لیگی نینگ بیلدیریلگن لیگی معلوم قیلینماقده. 

ینی شفق روزنامه سی, عدالت و توسعه حزبی نینگ سوزچیسی عمر چلیک نینگ, سویسده ترور تشکیلاتی پ.ک.ک طرفدارلری تامانیدن تورک بیراغی و جمهوررئیس اردوغان گه قره ته قیلینگن چیرکنچ حرکت گه عکس العمل کورستگن لیگینی ایسلتماقده. 

خبرده, چلیک نینگ, "سویس مقام لری نینگ بو چیرکنچ ایش گه عکس العمل کورستمه گن لیگینی قتتیق قاره له یمیز" دییه قید ایتگن لیگی بیلدیریلماقده. 

وطن روزنامه سی, یونان نینگ Kathimerini روزنامه سی نینگ, تورکیه جمهوریتی جمهوررئیسی رجب طیب اردوغان نینگ ینگی کابینه سی حقیده قیزیق بیر شکلده بحث ایتگن لیگینی یازماقده. 

خبرده, یونان نینگ اوشبو روزنامه سی نینگ, تشقی ایش لر وزیری هاکان فیدان, ملی مدافعه وزیری یاشر گولر, خزانه و مالیه وزیری محمد شمشک, مرکز بانکی باشلیغی حفیظه غایه ارکان و ملی استخبارات اداره سی باشلیغی ابراهیم قلین حقیده 'بیش کیشی لیک محافظ' دییه بحث ایتگن لیگی بیلدیریلماقده. 

ستار روزنامه سی, استانبولده گی World Ecommerce Forum ده قیلگن معروضه سیده تورکیه نی مقته گن نیویورک تجارت اتاقی باشلیغی مارک جیف نینگ, "تورکیه نینگ اروپا بیرلیگی اعضالیگی نی صبرسیزلیک بیلن کوتماقده میز.  تورکیه نینگ اروپا بیرلیگی اعضاسی بولیشی کیره ک" دییه قید ایتگن لیگی نی ایسلتماقده. 

صباح روزنامه سی, ترور تشکیلاتی پ.ک.ک گه قالقان کبی بولگن 'سوز ایرکین لیگی' بهانه سی بیلن اسلام گه عاید ارزش لرنی پایمال قیلگن سویدن نینگ ناتو اعضالیگی نینگ تورکیه تامانیدن ویتو ایتیلگن لیگینی معلوم قیلماقده. 

خبرده, ناتو عمومی منشی سی ینس استولتنبرگ نینگ, ویلنیوسده بولیب اوته دیگن رهبر لر ییغیلیشی گه قدر سویدن نینگ ناتو اعضالیگی نی گرنتی ایته آلمه یدیگن لیگینی بیلدیرگن لیگی ایسله تیلماقده.