تورکیه نینگ مطبوعات خلاصه لری

خبرتورک گزیته سی: ایردوغان: سوریه لیکلرنی جونه تیش گه باشله دیک " سرلوحه سی بیلن خبر بیره دی.

خبرگه کوره جمهور باشلیغی رجب طیب ایردوغان اولکه لریده گی ایچکی اوروشدن قاچیب تورکیه گه پناه کیلتیرگن سوریه لیکلرنینگ خوفسیز بیر شکلده اوی – جایلریگه جونه تیش گه باشله گن لیکلرینی بیلدیردی. ایردوغان سوریه نینگ شمالیده 1 میلیون قاچقین اوچون تورر جای قوریش ایشی دوام ایتماقده" دیدی.

حریت گزیته سی: " تورکیه بیلن قطر سوریه ده تورر جای قورماقده" سرلوحه سی بیلن خبر بیره دی.

خبرگه کوره تورکیه بیلن قطرنینگ همکارلیگی بیلن سوریه ده 9 ایریم منطقه ده 1 میلیون انسان اوچون 240 مینگ ته اوی - جای نینگ ایلک باسقیچی نینگ بنیاد قوییش مراسمی بولیب اوتدی. جرابلس ده گی مراسمده صحبت قیلگن ایچکی ایشلر وزیری سلیمان سویلو سوریه گه 554 مینگ سوریه لیگ قیتیب کیلدی" دیدی.

صباح گزیته سی: " کوک وطن نینگ ینگی کوچی سیدا" سرلوحه سی بیلن خبر بیره دی.

خبرگه کوره مدافعه صنایعی باشلیغی اسماعیل دیمیر قوراللی هیداوچیسیز دینگیز واسطه سی (سیدا) نینگ کوک وطن نینگ ینگی کوچی بوله جگینی ایتدی. ناتو سینشلریده دقتلرنی تارتگن سیدا دینگیزده سوو آستیدن هجوم اویوشتیره دیگن وضعیتده ایکن لیگینی تاکییدله گن دیمیر "هر ساحه ده ادعالی میز. قره ب تورینگ " دیدی.

یینی شفق گزیته سی: "یونان مطبوعاتی: تورکیه بویوک بیر کوچ وضعیتی گه ایلندی " سرلوحه سی بیلن خبر بیره دی.

خبرگه کوره یونان گزیته سی س ل پرس تورکیه نینگ برچه سکتورلرده تاثیرلی و بویوک بیر کوچ وضعیتی گه ایلنگن لیگینی یازدی. خبرده تورکیه نینگ اروپا، بالکانلر و اسلام عالمی بیلن مهم درجه ده تجاری مناسبتلری بارلیگی، اتوموتیفده رواجلنگن لیگی، کیمه توزه تیش و ترمیمده دنیا مقیاسیده 10 اولکه قطاریده اورین آلگن لیگی افاده ایتیلدی.

ستار گزیته سی: "قارع دینگیزده ینگیلیکلر بار " سرلوحه سی بیلن خبر بیره دی.

خبرگه کوره انرژی و طبیعی منبعلر وزیری فاتح دونمز شرقی قاره دینگیزده کوپراق نفت احتماللری بار. 2023 ییلی اداغگه ییتمه ی اردو و ریزه دینگیز ساحه لریده کشف مقصدلی بورغولش آلیب باریله دی. اردوده طبیعی گار، ریزه ده نفت کوته میز" دیدی.