تورکیه مطبوعاتیدن خلاصه لر 29.03.2023

حریت روزنامه سی, جدل روشده رواجله نیب باریاتگن تورکیه جمهوریتی مدافعه صنایع سی نینگ دنیا نینگ دقتی نی اوزی گه تارتیاتگن لیگینی معلوم قیلماقده. 

خبرده, امریکا نینگ نشراتی اورگان لریدن بیری بولگن سی ان بی سی ده ترقه تیلگن تحلیلی بیر خبرده, تورکیه نینگ صادرات بوییچه رکورد اورنتگن لیگی معلوم قیلینرایکن, "جمهوررئیس رجب طیب اردوغان نینگ سرمایه گذارلیک جهتی دن محلی شرکت لر نی کوچلی بیر شکلده حمایت قیلیش گه دوام ایتیاتگن 20 ییللیک پروژه سی اوز ثمره سینی بیره باشله دی" دییه قید ایتگن لیگی بیلدیریلماقده. 

صباح روزنامه سی, تورکیه نینگ ایلک جتی دن عبارت بولگن حُر جِت نینگ جوده یقینده اوچه دیگن لیگینی یازماقده. 

خبرده, جمهوررئیسلیک مدافعه صنایع سی اداره سی باشلیغی اسماعیل دیمیر نینگ, حر جت نینگ ینه بیر نیچه تست اوچیشی نینگ قالگن لیگینی بیلدیرگن لیگی ایسله تیلماقده. 

ینی شفق روزنامه سی, تورکیه نینگ تولید قیلگن سوو اوستی واسطه سیدن عبارت مارلین دن قوزغون دیب ناملنگن راکت نینگ آتیلگن لیگی گه دقت قره تماقده. 

خبرده, قوراللی هیداوچیسیز دینگیز واسطه سیدن بیرینچی مرته باشقریله دیگن راکت نینگ آتیلگن لیگی بیلدیریلماقده. 

خبرتورک روزنامه سی, تورکیه نینگ جاری ییل نینگ جنوری بیلن فبروری آی لریده 6 میلیون 485 مینگ 105 دالرلیک بال (عسل) صادر قیلگن لیگینی یازماقده. 

خبرده, بال نینگ اینگ کوپ امریکا قوشمه ایالتلری, اسرائیل و آلمان گه صادر قیلینگن لیگی ایسله تیلماقده. 

ستار روزنامه سی, یونان تشقی ایشلر وزیری نینگ اقتصادی دیپلماسی بوییچه مسئول اورینباسری کوستاس فرانگویانیس نینگ تورکیه بیلن یونان اورته سیده گی همکارلیک توغریسیده ایجابی ینگیلیک لرنینگ موجود ایکن لیگینی بیلدیرگن لیگینی معلوم قیلماقده.