تورکیه مطبوعاتیدن خلاصه لر 27.03.2023

ستار روزنامه سی, تورکیه جمهوریتی جمهوررئیسی رجب طیب اردوغان نینگ, "مقصدی میز بیر ییل مابینیده توپلم 650 مینگ تورر جای قوریب, زلزله دن تاثیرلنگن منطقه لرنی رواجلنتیریش دن عبارت" دییه قید ایتگن لیگینی معلوم قیلماقده. 

خبرتورک روزنامه سی, جمهوررئیس اردوغان نینگ, سونگّی زلزله نینگ تورک ملتی نینگ قنچه متحد ایکن لیگینی ینه بیر بار کورسه تیب بیرگن لیگینی بیلدیرگن لیگینی یازماقده. 

خبرده, اردوغان نینگ, "دوست و قرداش اولکه و باشقه جای لردن کیلگن خلق ارا یاردم لرنی هم هیچ قچان ایسدن چیقارمه یمیز" دییه قید ایتگن لیگی بیلدیریلماقده. 

حریت روزنامه سی, تورکیه جمهوریتی اطراف- محیط, شهرچیلیک و اقلیم اوزگریشی وزیری مراد قوروم نینگ, "زلزله دن تاثیرلنگن منطقه لرده حاضرگی کون گه قدر 53 مینگ 830 تورر جای نینگ قوریلیشی بوییچه پروسه نی باشلتدیک.  22 مینگ 467  ته سی نینگ تهدابی نی قویدیک. قیته قوریش پروسه میز بیلن 11 ولایتده ینگی بیر شهرچیلیک داستانی یازه میز" دییه قید ایتگن لیگینی بیلدیرماقده. 

ینی شفق روزنامه سی, تورکیه جمهوریتی تشقی ایشلر وزیری مولود چاووش اوغلی نینگ, تلفن آرقه لی, بیرلشگن ملتلر تشکیلاتی عمومی سکرتری آنتونیو گوترش بیلن سوزلشگن لیگینی یازماقده. 

خبرده, تشقی ایشلر وزیرلیگی تامانیدن بیریلگن بیاناتگه کوره, چاووش اوغلی بیلن گوترش نینگ, "آشقالسیزلیک" تشبثی و اوکراین حبوباتی نینگ قاره دینگیز آرقه لی جهان بازار لری گه ییتکزیب بیریلیشی بوییچه استانبول حبوبات کیلیشووی حقیده سوز یوریتگن لیک لری معلوم قیلینماقده. 

وطن روزنامه سی, تورکیه جمهوریتی دینی ایشلر اداره سی نینگ باشلیغی علی ارباش نینگ, دنمارکده قرآن کریم و تورک بیراغی گه قره تیلگن حرمتسیزلیک بیلن علاقه لی, دنمارک لیک لر گه چقیریق بیرگن لیگینی ایسلتماقده. 

خبرده, ارباش نینگ, "ای دنمارک لیک لر؛ کوپلب انسان لر قرآن دن فایده له نیب یمان لیک لردن اوزاقله شیب یخشی کیشیلر آره سیده اورین آلدی.  تورک بیراغی هم اونینگ اوچون شهید بولگن لرنینگ قان لریدن اوز رنگی نی کسب ایتدی.  کیلینگ, قرآن نی اوقیب و تورک بیراغی حقیده معلومات کسب ایتیب ایچینگیزده گی یمانلیک لر گه اینگ قتتیق جواب نی بیرینگ" دییه قید ایتگن لیگی بیلدیریلماقده.