تورکیه مطبوعاتیدن خلاصه لر 20.03.2023

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه نینگ بالیکسیر ولایتی باندیرمه تومنی ده تورکیه نینگ ایلک بور کاربیدی ایشلب چیقاریش مرکزی نینگ آچیلیشیده قیلگن معروضه سیده, "اوشبو مرکز نینگ قوریلیشی بیلن تورکیه فقط گینه بور معدنی نینگ ارزشی نی آرتیرمه یدی عینی دمده اولکه میز دنیا نینگ اینگ قتتیق اوچینچی مواد نینگ تولیدی و ساتیلیشی بوییچه مهم بیر نقطه گه ایله نیب دنیا ده اعتبار ایگه سی اولکه لر قطاری گه کیره دی" دییه قید ایتگن لیگینی یازماقده. 

ستار روزنامه سی, تورکیه جمهوریتی انرژی و طبیعی منبع لر وزیری فاتح دونمز نینگ, تورکیه نینگ قاره دینگیز منطقه سیده تاپیلگن گاز بیلن علاقه لی بیرگن بیاناتیده, "اپریل آیی نینگ سونگیده قاره دینگیز نینگ گازی دن فایده له نه باشله یمیز" دییه قید ایتگن لیگینی بیلدیرماقده. 

خبرتورک روزنامه سی, تورکیه جمهوریتی جمهوررئیسلیک علاقه باشقرمه سی تامانیدن, 6- فبروری کونی یوز بیرگن و مرکزی تورکیه نینگ قهرمان ماراش ولایتیدن عبارت بولگن زلزله لر آرتیدن باشله گن خلق ارا همکارلیک و یاردم فعالیت لری گه بناً خلق ارا جامعه گه قره تیلگن "سین بیلن میز تورکیه" کمپاینی باشله تیلگن لیگینی ایسلتماقده. 

حریت روزنامه سی, سی ان ان یونان نینگ, هنگر دن چیققن تورکیه ده ایشلب چیقاریلگن ملی محارب اوچاق نینگ آتن رهبریتی نی قیغولنتیریشی کیره ک ایکن لیگینی بیلدیررایکن, "تورکیه جوده مهم بیر نرسه نی کورسه تیب بیردی. بو اولکه برچه قیینچیلیکلر گه قره مسدن بیر اوروش اوچاغی پرتوتایپی نی تیارلش و اونی جوده آز اولکه نینگ موفق بولگن بیر باسقیچ گه ییتکیزیش گه موفق بولدی" دییه قید ایتگن لیگینی معلوم قیلماقده. 

صباح روزنامه سی, تورکیه ده ایشلب چیقاریلگن برقی موتر دن آلماقچی بولگن کیشی لر سانی نینگ انچه کوپ ایکن لیگینی بیلدیرماقده. 

خبرده, Togg دیب ناملنگن اوشبو موتر نینگ ساتیله باشله نه دیگن لیگی نینگ بیلدیریلیشی آرتیدن دستلبکی 24 ساعتده 22 مینگ 150 و 30 ساعت مابینیده ایسه 29 مینگ کیشی نینگ اوشبو موتر دن آلیش اوچون مراجعه قیلگن لیگی ایسله تیلماقده. 

روزنامه, شونده ی قیلیب, 12 مینگ 303 بولگن 11 ییلده ساتیلگن برقی موتر سانی نینگ فقط گینه 24 ساعت کبی قیسقه بیر مدت مابینیده تقریباً ایکّی قَوَتگه کوتریلیب کیتگن لیگینی یازماقده.