تورکیه نینگ مطبوعات خلاصه لری

تورکیه نینگ مطبوعات خلاصه لری

ستار گزیته سی: " دولت ییتکچیلری جمهور باشلیغی ایردوغانگه قیغوداشلیک بیلدیردی " سرلوحه سی بیلن خبر بیردی.

خبرگه کوره بلغاریا، مالته و آلبانیا دولت ییتکچیلری بیلن بیر قطارده بوسنیا هرزگوینا دولت رئیسلیگی سابق اعضاسی بکر عزت بیگویچ جمهور باشلیغی رجب طیب ایردوغانگه قونغراق قیلیب ییر قیمیرلش حادثه سی طفیلی قیغوداشلیک بیلدیردی.

خبرتورک گزیته سی: بلینکن بیلن چاووش اوغلی زلزله منطقه سیده" سرلوحه سی بیلن خبر بیردی.

خبرگه کوره، تشقی ایشلر وزیری مولود چاووش اوغلی بیلن امریکا قوشمه ایالتلری تشقی ایشلر وزیری انتونی بلینکن توناون کونی مرکزی قهرمانمره شده بولگن ییر قیمیرلشلر تاثیر قالدیرگن هاتای گه باردی.  

حریت گزیته سی: ساغلیکنی سقلش وزیری کوجه: منطقه ده هیچ بیر یوقه دیگن کسللیک تثبیت ایتیلمه دی" سرلوحه سی بیلن خبر بیردی.

خبرگه کوره ساغلیکنی سقلش وزیری فخرالدین کوجه ییر قیمیرلش منطقه سیده یوقه دیگن کسللیک بوییچه تیکشیریب چیققن لیکلرینی معلوم قیلیب "حلی گچه هیچ بیر یوقه دیگن کسللیک تثبیت ایتیلمه دی " دیدی.  

صباح گزیته سی: قپگان ویترین گه چیقریله دی " سرلوحه سی بیلن خبر بیردی.

خبرگه کوره تورک مدافعه صنایعی دایره سیده ایشلب چیقریلگن هیداوچیسیز ییر واسطه سی قپگان ابی ظبیده اویوشتیریله دیگن ایدیکس خلق ارا مدافعه کورگزمه سی و کنفرانسی دایره سیده ایلک مرته چیت ایلده نمایش قیلینه دی.    

وطن گزیته سی: تورکیه نینگ کورفز اولکه لریگه صادراتی کوپه یدی" سرلوحه سی بیلن خبر بیردی.

خبرگه کوره تورکیه نینگ کورفز اولکه لریگه صادراتی جنوری آییده اوتگن ییل نینگ خوددی شو آییگه کوره 16،1 فایز کوپه ییب 431 میلیون دالر بولدی.