تورکیه مطبوعاتیدن خلاصه لر 13.02.2023

ستار روزنامه سی, قطر امیری شیخ تمیم بن حمد آل ثانی نینگ, "عصرنینگ فلاکتی" اوله راق بهالنتیریلیاتگن تورکیه نینگ قهرمان ماراش ولایتیده یوز بیرگن زلزله لر آرتیدن جمهوررئیس رجب طیب اردوغان بیلن اوچره شیش اوچون تورکیه گه تشریف بویورگن لیگینی بیلدیرماقده. 

خبرده, جمهوررئیس اردوغان نینگ استانبولده آل ثانی بیلن اوچره شگن لیگی ایسله تیلماقده. 

روزنامه, شونده ی قیلیب قطر امیری نینگ زلزله آرتیدن تورکیه گه تشریف بویورگن ایلک رهبر بولگن لیگینی یازماقده. 

خبرتورک روزنامه سی, زلزله لر آرتیدن دنیا اولکه لری نینگ تورکیه گه یاردم لری نینگ دوام ایتیاتگن لیگینی بیلدیررایکن, یونان تشقی ایشلر وزیری دندیاس نینگ تورکیه نینگ آدانه ولایتی گه تشریف بویورگن لیگینی معلوم قیلماقده.

خبرده, دندیاس نینگ تورکیه جمهوریتی تشقی ایشلر وزیری مولود چاووش اوغلی تامانیدن کوتیب آلینگن لیگی و ایکله وزیرنینگ کیین هتای گه تشریف بویورگن لیگی بیلدیریلماقده. 

روزنامه, ییرقیمیرلش حادثه سی نینگ یوز بیرگن ساحه ده ایریم بیاناتلر بیرگن دندیاس نینگ, یونان نینگ تورکیه گه یاردم لری نینگ دوام ایته دیگن لیگینی بیلدیرگن لیگی گه دقت قره تماقده. 

حریت روزنامه سی, تورکیه نینگ انتالیا ولایتی نینگ قاش تومنی گه 7,5 کیلومترلیک بیر مسافه ده اورین آلگن یونان نینگ کاستیلوریزو ارالی دن تورکیه ده گی زلزله دن تاثیرلنگن لر گه یاردم موادی یوباریلگن لیگینی یازماقده. 

خبرده, اوشبو یاردم موادی نینگ جایلشتیریلگن کارتن لرنینگ اوستی گه "سوگیلی زلزله دن تاثیرلنگن قوشنی لر سیزنینگ اوی لرینگیز بیلن بیرگه بیزنینگ یوره گی میز هم  ویران بولدی" دییه یازیلگن لیگی بیلدیریلماقده. 

وطن روزنامه سی, تورکیه ده گی تلویزیون لرنینگ 15- فبروری کونی اورتاق بیر کورستوو آلیب باریب زلزله دن تاثیرلنگن لر اوچون یاردم توپله یدیگن لیگینی ایسلتماقده. 

خبرده, اوشبو اورتاق کورستوو نینگ تورکیه وقتی بیلن کیچقرون ساعت 8 ده باشله یدیگن لیگی بیلدیریلماقده. 

روزنامه, اوشبو یاردم لرنینگ تورکیه قیزیل یریم آی جمعیتی و آفت و عاجل وضعیتلر باشقرمه سی حسابلریده توپله نه دیگن لیگی نی یازماقده. 

صباح روزنامه سی, تنیقلی امریکالیک اوینچی آنجلینا جولی نینگ, تورکیه ده گی زلزله نینگ سمبولی گه ایله نیب قالگن عکس لردن بیری بولگن اولگن 15 یاشلی قیزی نینگ قولینی قوییب یوبارمه گن آته نینگ عکسی بیلن دنیا گه پیام بیرگن لیگینی بیلدیرماقده. 

خبرده, جولی نینگ, اجتماعی ترماق آرقه لی بیرگن بیاناتیده انسانلرنی زلزله دن تاثیرلنگن لر گه یاردم بیریش گه چقیرگن لیگی ایسله تیلماقده.