تورکیه مطبوعاتیدن خلاصه لر 17.01.2023

وطن روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, "اف- 16 لر بوییچه حربی مذاکره لر تکمیل بولدی.  امریکا قوشمه ایالتلری مدافعه وزیرلیگی, تشقی ایش لر وزیرلیگی گه یوباردی.  رهبریت, تشقی ایش لر وزیرلیگی آرقه لی رسمی بولمه گن بیر شکلده کانگرس گه بیلدیردی.  بو ییرده اعتراض نینگ بحث موضوعی بولمس لیگی تقدیرده پروسه تکمیل بوله دی.  رسمی بیانات بیریله دی.  رهبریت بیلن هر سویه ده کیلیشیلیب آلیندی" دییه قید ایتگن لیگی نی بیلدیرماقده. 

ستار روزنامه سی, بوسنیا- هرزگوینا وزیر لر کینگشی باشلیغی نینگ اورینباسری بسیرا تورکوویچ نینگ, توناون بیرگن بیاناتیده, تورکیه نینگ منطقه لریده اینگ مهم رول نی اوینه گن لیگی نی بیلدیررایکن, "تورکیه سیز غربی بالکان لرده تینچلیک نینگ اورنه تیلیشی هیچ بیر شکلده ممکن ایمس.  تورکیه سیز نیمه بوله دیگن لیگی کتته بیر سئوال دن عبارت, زیرا کوچلی" دییه قید ایتگن لیگی نی یازماقده. 

صباح روزنامه سی, یونان مطبوعاتیده تورکیه نینگ تیمیر گنبد لایحه سی گه کینگ اورین اجره تیلگن لیگی نی معلوم قیلماقده. 

خبرده, یونانلیک بیر یازوچی نینگ, "اردوغان نینگ 'بیر کیچه کوتیلمه گن بیر شکلده کیریب کیلیشی میز ممکن' دیگن گپی قوریق بیر گپ دن عبارت ایمس.  خواهله سه بیر ساعت مابینیده یونان گه کیریب کیله دی" دییه قید ایتگن لیگی ایسله تیلماقده. 

حریت روزنامه سی, جاری ییل نینگ دستلبکی 15 کونیده تورکیه نینگ انتالیا ولایتی گه 118 مینگ 762 توریست نینگ کیلگن لیگی نی یازماقده. 

خبرده, انتالیا گه اینگ کوپ روسیه لیک توریست لرنینگ کیلگن لیگی معلوم قیلینرایکن, اسرائیل لیک سیاح لر سانی نینگ هم آرتیب کیتگن لیگی گه دقت قره تیلماقده.