تورکیه مطبوعاتیدن خلاصه لر 16.01.2023

حریت روزنامه سی, تورکیه جمهوریتی ایچکی ایش لر وزیری سلیمان سویلو نینگ تویتر آرقه لی بیرگن بیاناتیده, "اوچووچیسیز اوچاق لر تورکیه نینگ تروریزم گه قرشی کوره ش بوییچه موفقیتی نی آرتیردی.  اینیقسه بیرقدار (اوچووچیسیز اوچاق) دنیا اولکه لری تامانیدن جوده کتته اهمیت بیریلیاتگن بیر نرسه دن عبارت" دییه قید ایتگن لیگی نی ایسلتماقده. 

ینی شفق روزنامه سی, تورکیه نینگ قاره دینگیز دن 710 میلیارد متر مکعب لیک گاز نی چیقاره باشله شی نینگ, دنیا نینگ انرژی شرکت لری نی فعالیت گه اونده گن لیگی نی یازماقده. 

خبرده, تورکیه ده میلیاردلب دالرلیک سرمایه گذارلیک قیلیش نی طلب قیلگن اوشبو شرکت لر نینگ طلب لری نینگ رد ایتیلگن لیگی معلوم قیلینماقده. 

روزنامه, اوشبو شرکت لر گه, "طبیعی گاز نی اوزی میز چیقاریب اوزی میز ساته میز" شکلیده پیام بیریلگن لیگی نی بیلدیرماقده. 

صباح روزنامه سی, تورکیه جمهوریتی ترانسپورت و زیربنا وزیری عادل قاره اسماعیل اوغلی نینگ, تورک کیمه لری ظرفیتی نینگ 41 میلیون متریک تُن گه ییتگن لیگی و شونده ی قیلیب تورکیه نینگ اینگ کوپ کیمه گه ایگه بولیش جهتی دن دنیا ده 14- اورین نی ایگلله گن لیگی نی بیلدیرگن لیگی نی معلوم قیلماقده. 

ستار روزنامه سی, اوتگن ییلده تورکیه دن 110 اولکه و منطقه گه 9 میلیارد 264 میلیون 807 مینگ دالرلیک موتر صادر قیلینگن لیگی نی یازماقده.