تورکیه نینگ مطبوعات خلاصه لری

خبرتورک گزیته سی:" تورکیه بیلیم، تکنالوجی، تولیدنینگ مهم مرکزلریدن بولدی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان آتیلگن آدیملر بیلن تورکیه نینگ بیلیم، تکنالوجی، تولیدنینگ مهم مرکزلریدن بولگن لیگینی ایتدی. ایردوغان قوللریده گی امکانلرنی و منبعلرنی برچه انسانلیک نینگ خذمتی گه تقدیم ایتووچی بیر یانداشوو ایچیده بولیب خذمت قیله جکلرینی تاکییدله دی.

حریت گزیته سی:" ینه سویدن ینه رسوالیک" سرلوحه سی بیلن خبر بیردی.

خبرگه کوره سویدنده بیر گروپ بولووچی ترور تشکیلاتی پی کاکا/وای پی جی ایزداشی تحریک که قول اوروب جمهورباشلیغی ایردوغان نی و تورکیه نی آماج قرار بیردی. تورکیه سیاسیلری حادثه نی قاره لب ناتوگه کیرماقچی بولگن سویدندن ترورچیلیک که قرشی کوره ش توغریسیده قیلگن تعهدلرگه صادق بولیشینی و مسؤلیتینی بجا کیلتیریشینی خواهله دی.   

صباح گزیته سی: " سویدن بویوک ایلچیسی تشقی ایشلر وزیرلیگی گه چقیریلدی" سرلوحه سی بیلن خبر بیردی.

خبرگه کوره تشقی ایشلر وزیرلیگی گه چقیریلگن سویدن بویوک ایلچیسی ستفان هرستروم گه اولکه سی نینگ پایتختی سکهلمده پی کاکا ایزداشلری نینگ جمهور باشلیغی رجب طیب ایردوغان نی اماج قرار بیرگن تحریکی حرکتی بیلن تیگیشلی تورکیه نینگ عکس العملی ییتکیزیلدی. هرستروم گه تورکیه نینگ حادثه گه قول اورگنلرنینگ انیقلب کیره کلی ایشلرنی قیلیشلرینی و سویدن تعهدلرینی بجا کیلتیریشی بوییچه کوتیشلرینی قید ایتدی.         

وطن گزیته سی: " مجلس باشلیغی شنتوپ سویدن بیلن علاقه لی قرار" سرلوحه سی بیلن خبر بیردی.

خبرگه کوره، ستکهلمده پی کاکا/وای پی جی نینگ جمهور باشلیغی ایردوغان و تورکیه نی اماج قرار بیرگن حرکتی گه بناً سویدن مجلس باشلیغی اندریاس نورلن نینگ 17 جنوریده گی تورکیه سفری مجلس باشلیغی شنتوپ تامانیدن کنسل قیلیندی.  

ستار گزیته سی: " لیبیا، تورکیه بیلن بولگن کیلیشوویگه صادق قاله دی" سرلوحه سی بیلن خبر بیردی.

خبرگه کوره، تشقی ایشلر وزیری مولود چاووش اوغلی لیبیا حکومتی نینگ هایدروکاربن کیلیشووی گه صادق ایکن لیگینی تورکیه گه بیلدیرگن لیگینی ایتدی. طرابلس ده گی تمیز محکمه سی لیبیا حکومتی بیلن انقره اورته سیده نفت و گاز قیدیروو فعالیتلری بیلن تیگیشلی قول قوییلگن کیلیشوونی توخته تیب قویگندی. تورکیه، لیبیاده تونترووچی حفتر باشقرووینی ایمس، بیرلشگن ملتلر تشکیلاتی تامانیدن مشروع ایتیب کوریلگن لیبیا ملی بیرلیک حکومتینی تن آلماقده.