تورکیه مطبوعاتیدن خلاصه لر 16.11.2022

حریت روزنامه سی, تورکیه جمهوریتی جمهوررئیسی رجب طیب اردوغان نینگ, جی 20 رهبر لر ییغیلیشی دایره سیده بولیب اوتگن "غذایی مواد و انرژی خوفسیزلیگی" جلسه سیده قیلگن معروضه سیده, "دنیا ده کیمیاوی کود بازاریده زودلیک بیلن برقرارلیک نینگ تامین ایتیلیشی کیره ک.  بونده ی بولمس لیگی تقدیرده, کیلگوسی ییلده بوندن هم جدی را بیر غذایی مواد بحرانی گه دوچ کیلیب قالیشی میز ممکن" دییه قید ایتگن لیگی نی یازماقده. 

صباح روزنامه سی, تورکیه جمهوریتی جمهوررئیسی رجب طیب اردوغان نینگ, اندونزیا نینگ بالی ارالی ده بولیب اوتگن جی 20 رهبر لر ییغیلیشی دایره سیده امریکا قوشمه ایالتلری دولت رهبری جو بایدن بیلن اوچره شگن لیگی نی معلوم قیلماقده. 

خبرده, بایدن نینگ, اف 16 لر بیلن علاقه لی حمایت لری نینگ دوام ایته دیگن لیگی نی بیلدیرگن لیگی ایسله تیلماقده. 

ستار روزنامه سی, جمهوررئیس اردوغان نینگ, توناون اندونزیاده ایتالیا باش وزیری گیورگیا میلونی بیلن اوچره شگن لیگی نی بیلدیرماقده. 

خبرده, اوشبو اوچره شوو آرتیدن ایتالیا باش وزیرلیگی تامانیدن بیریلگن بیاناتده, "ایکله رهبر, قاچاق مهاجرت نینگ آلدی نینگ آلینیشی و لیبیا بحرانی نینگ ییچیلیشی بوییچه پروسه نی قولای لشتیریش بوییچه اوز ارا همکارلیک حقیده گپیریشدی" دییه قید ایتیلگن لیگی ایسله تیلماقده. 

خبرتورک روزنامه سی, تورکیه صادراتچی لری مجلسی تامانیدن بیریلگن معلوماتگه کوره, تورکیه نینگ امریکا قوشمه ایالتلری گه صادراتی نینگ 11 میلیارد 998 میلیون دالر گه کوتریلیب کیتگن لیگی نی معلوم قیلماقده. 

خبرده, اوشبو رقم نینگ اوتمیش ده گی رقم لرنینگ اینگ یوکسگی ایکن لیگی بیلدیریلماقده. 

ینی شفق روزنامه سی, جاری ییلده 50 میلیون توریست و 44 میلیارد دالر عاید هدف قیلیب آلگن تورکیه نینگ, یاز موسمی نینگ توگه شی آرتیدن, قیش توریزمی بیلن علاقه لی تیارگرلیک لری گه باشله گن لیگی نی معلوم قیلماقده. 

خبرده, تورکیه سیاحت آژانس لری اتحادیه سی باشلیغی فیروز باغلی اوغلی نینگ, "قیش موسمی ده هوتل لر 90 فایز مقیاسیده تولگن بوله دی" دییه قید ایتگن لیگی ایسله تیلماقده.