تورکیه نینگ مطبوعات خلاصه لری

خبرتورک گزیته سی: " جمهور باشلیغی ایردوغان: دیاربکر ایندی تینچ شهر" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، تروریزمدن تمیزلنگن دیاربکرنینگ ایندی تینچ شهر بولگن لیگینی ایتدی. دیاربکرنینگ تینچ برقرار بولیش گه دوام ایتیشی اوچون عراق، سوریه و منطقه نینگ تینچ برقرار بولیشی کیره ک لیگینی تاکییدله گن ایردوغان، "بیز اولکه میزنی شرقدن غرب گه، جنوبدن شمال گه قدر بیر تینچلیک آرالی ایتیش اوچون اورونماقده میز. بونی عملی قیلیشیمیزگه ترور تشکیلاتلری و اولرنینگ ایپلرینی کنترول قیلیب تورگن امپریالیستلر مانع بوله آلمه یدی" دیب گپیردی.

حریت گزیته سی:" ایردوغان: دیاربکر آنه لری بیلن اوچره شدی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، دیاربکر سفری دایره سیده بولووچی ترور تشکیلاتی پی کاکا تامانیدن تاغگه آلیب قاچقیریلگن باله لری اوچون پیره قیلگن دیاربکر آنه لری بیلن اوچره شدی. جمهور باشلیغی خلقلرنینگ دموکراتیک حزبی بناسی قاشیده باله لرینی کوتیب اولتیرگن آنه لرنینگ تیلکلریگه قولاق سالدی.

یینی شفق گزیته سی: " حیجان باشله دی: توگ کوتیلماقده " سرلوحه سی بیلن خبر بیردی.

خبرگه کوره، تورکیه نینگ وطنی اتوموبیلینی ایشلب چیقرووچی توگ فابریکه سی نینگ آچیلیشی گه کم کون قالدی. توگ نینگ گملیک فابریکه سی 29 اکتوبر کونی آچیلیشی بولیب اوته دی. تورکیه تجارت اتاقی و بورسالر بیرلیگی باشلیغی رفات حصارجیکلی اوغلی، اجتماعی ترماق آرقه لی توگ بیلن تیگیشلی بیانات بیریب 29 اکتوبرده بیر توگ فابریکه میزنی آچه میز" دیب ایتدی.  

ستار گزیته سی: "یونان مطبوعاتی: مدافعه صنایعیده تورکیه نینگ آرتیده میز" سرلوحه سی بیلن خبر بیردی.

خبرگه کوره، تورکیه نینگ قوراللی هیداوچیسیز هوا واسطه لری، TCG اناطولی امفیبی هجوم کیمه سی، تایفون راکتی، اتاک تیک اوچر کبی انچه وطنی قورالینی تعقیب آستیگه آلگن یونان مطبوعاتی، تورک مدافعه صنایعی نینگ تیز رواجلنیب بارگن لیگی گه اشاره قیلدی. آتن حکومتی نینگ تورکیه نی یقین تعقیب آستیگه آلگن لیگینی معلوم قیلگن اولکه مطبوعاتی "سونگگی ییللرده دوام ایتیب تورگن و قورال پروگرامی گه بناً مدافعه صنایعی اچیق بیر شکلده تورکیه نینگ آرتیده قالماقده" دییلدی.  

صباح گزیته سی:" وطنی و ملی مدافعه صنایعی نمایش قیلینه دی" سرلوحه سی بیلن خبر بیردی.

خبرگه کوره صنایع و تکنالوجی وزیرلیگی، تویتر آرقه لی بیریلگن بیاناتده، ساحه استانبول تامانیدن 25-28 اکتوبرده استانبولده اویوشتیریله دیگن 57 اولکه دن، 390 خارجی و 567 محلی شرکت اورین آله دیگن ساحه ایکسپوده تورک مدافعه، هواچیلیک و فضا صنایعی نینگ اینگ ینگی محصوللری نینگ نمایش قیلینه جگینی بیلدیردی.