تورکیه نینگ مطبوعات خلاصه لری

خبرتورک گزیته سی: " جمهور باشلیغی ایردوغان بارتین ده گی حادثه اوچون قیغوداشلیک بیلدیرگن دولتلر بیلن تیگیشلی پیام" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان بارتین ولایتی نینگ اماسرا تومنیده گی کانده یوز بیرگن پارتلش باعث قیغوداشلیک بیلدیرگن دولتلر بیلن تیگیشلی پیام ترقه تدی. ایردوغان "قیغوداشلیک پیاملری بیلن بارتینده گی درد و المیمیزگه شریک بولگن برچه دولتلر و خلقلریگه تورک ملتی آتیدن منتدارچیلیک بیلدیره من" دیدی.

ستار گزیته سی:" اورته شرق و کورفز اولکه لری صادرات ریکوردی اورنه تدی " سرلوحه سی بیلن خبر بیردی.

خبرگه کوره تورکیه نینگ اورته شرق و کورفز اولکه لریگه صادراتی ییل نینگ 9 آییده 24،8 فایز کوپه ییب 24،7 میلیارد دالرگه ییترکن اینگ کوپ صادرات 7،5 میلیارد دالر بیلن عراققه بولدی.   

یینی شفق گزیته سی: " آذیق – اوقات کورگزمه سیده تورک یوتوغی " سرلوحه سی بیلن خبر بیردی.

خبرگه کوره، دنیا مقیاسیده اینگ کتته آذیق – اوقات کورگزمه سی بولمیش سیال پاریسده تورکیه یوتوغی دوام ایتماقده. بو ییل چین قتنشمه گن کورگزمه ده تورکیه اینگ کوپ محصول بیلن قتنشگن اولکه بولدی.

وطن گزیته سی: "مونیکا مولینا: تورکیه ده اوز اوییده کبی راحت من" سرلوحه سی بیلن خبر بیردی.

خبرگه کوره، "لاتین موزیکی نینگ اینگ یخشی اشوله چیسی" ساحه سیده انچه مرته گرامی کاندیدی بولمیش اسپانوی دیوا مونیکا "تورکیه ده تماشاچی بیلن بیر جایگه کیلگنده خاص بیر حس بوله دی. میدانگه چیققنده مینگه بولگن سیوگی و حرمت نی کوره من. تورکیه ده اوز اوییمده گی کبی راحت من، امنیتده من" دیب تورکیه گه بولگن سیوگیسینی تیلگه آلدی.

حریت گزیته سی:" هیجانلی کف: گوبی چولیده تاپیب آلیندی" سرلوحه سی بیلن خبر بیردی.

خبرگه کوره دنیا مقیاسیده اینگ کتته چوللردن بیرته سی بولمیش مغولستانده گی گوبی چولی منطقه سیده آلیب باریلگن تحقیقلرده آلتایلر بیلن گوبی اورته سیده مدنی مناسبتلر بیلن علاقه لی حجتلر کشف ایتیلدی. محقیقلر، منطقه ده ایسکی تاش چاغی تورر جای ایزلری بیلن بیر قطارده تورلی چاغلرده گی تورکلرگه تیگیشلی حجتلر کشف ایتیلدی.